Wahyu 21:3 - Porjanjian Boharu Torjomahan Baso Dilakng Soari-ari

³ Lalu aku mondinga' saro inyo borakng doi' tahta nantai. Katonyo, “Tiatcam! Kodiapan Allah ado di tongah-tongah monsio. Sio paca'an bodiapm bosamo agatn sia'. Sia' paca'an monjadi umat-Nyo. Sio siku' paca'an monyoroto'i sia', monjadi Allah sia'.

Wahyu 21:3 ပူးပေါင်းရင်းမြစ်များ

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 14:23

Timbas Yesus ko io, “Urakng inyo mongasihi Aku, io paca'an monuruti pomandiran-Ku. Bopai-Ku paca'an mongasihi io. Bopai huatan Aku paca'an datakng ko io lalu bodiapm dalapm hati io.

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

2 Korintus 6:18

Aku tajahan monjadi Bopai kaitn. Kaitn tajahan monjadi boko ana'-Ku, inyo lolaki huatan botina'.” Sama'an nianam pomandiran Tuhatn Allah, Inyo Kotakan bokuaso.

1 Tesalonika 3:11

Ni'inan koi bodoa ko Allah Bopai kito huatan ko Yesus, Tuhatn kito. Koi bodoa oca' Sio mombuka' jalatn ko koi pakai' monjongu' kaitn agi'.

Ibrani 11:16

Apo sobondarnyo, sia' togonangan nogori inyo lobih boi', ia'an nantai sorugo. Obai nantai, Allah kinyo malu disobut Allah sia' obai Sio udah monyiap'an sobuah kota pakai' sia'.

Ibrani 8:10

Apo lopas watu nantai, sama'an ni'inan pojanjian inyo paca'an Aku pulah agatn umant Israel: Aku paca'an molota'an boko porintah-Ku dalapm pikiran sia'. Aku paca'an monulisnyo dalapm hati sia'. Aku paca'an monjadi Allah sia'. Sia' paca'an monjadi umant-Ku.

Ibrani 8:2

Sio nam Imam Agukng inyo molayati di Ruakng Maho Suci, ia'an di potungguan inyo sojatinyo dipulah Tuhatn bukainyo dipulah monsio.

Wahyu 10:4

Pas kotujuh guntur nantai bopandir, aku siap monulis pomandirannyo. Apo watu nantai, aku mondinga' ado bunyi saro doi' sorugo. Kato-nyo, “Jangan monulisan pomandiran kotujuh guntur nantai. Jangan monyatoan hal nantai!”

Wahyu 10:8

Lopas nantai, aku mondinga' agi' saro nantai doi' sorugo. Kato-nyo ko aku, “Hingkascam ko molekat nantai inyo bodiritn di pucu' lout huatan di pucu' bumi. Kuti'cam gulukan buku inyo tobuka' nantai, inyo ado di jarinyo.”

Wahyu 12:10

Lalu, aku mondinga' saro inyo borakng di sorugo. Katonyo, “Ninam watunyo Allah monyolamant'an umat-Nyo! Ninam watunyo Allah monunju'an kuaso-Nyo. Ninam watunyo Allah kito moninjakan Korajaan-Nyo. Ninam watunyo Rajo Inyo Dijanjian Allah momorintah agatn kuaso-Nyo. Obai, Rajo Sitatn udah ditikapan doi' sorugo. Sio culih agi' monuntut boko somadikan kito siakng huatan malapm di hadapan Allah kito.

Wahyu 21:7

Sotiap urakng inyo monang paca'an monorima' somuonyo nantai. Aku paca'an monjadi Allahnyo. Sio paca'an monjadi ana'-Ku.

Wahyu 22:3

Di dalapm kota nantai, co nyiant inyo kona' tulahdoi' Allah. Tahta Allah agatn Ana' Domba nantai paca'an ada'an di dalapm kota nantai. Boko urakng inyo molayati Sio paca'an monyombah-Nyo,

Wahyu 7:15

Nantai sobabnyo sia' bodiritn di pohadapan tahta Allah, hala molayati Sio siakng-malapm di Rumah Allah. Sio inyo dudu' di tahta nantai paca'an monyoroto'i ongko molinduki sia'.