Wahyu 21:22 - Porjanjian Boharu Torjomahan Baso Dilakng Soari-ari

²² Aku co moniant Rumah Allah di dalapm kota nantai. Obai, Tuhatn Allah inyo Maho Kuaso ongko Ana' Domba nantai am Rumah Allah pakai' kota nantai.

Wahyu 21:22 ပူးပေါင်းရင်းမြစ်များ

Matius 24:2

Yesus bopandir ko sia', “Porotian somuonyo nantai! Dinga'anbo, nononyo, somuo inyo kaitn tiat nantai paca'an dihancuran. Somuo boko batu nian paca'an ditumpuran.”

Yohanes 10:30

Aku huatan Bopai-Ku siku'mo.”

Yohanes 13:32

Aman Allah dimuliaan molalu'i Io, jadi Allah siku' paca'an momuliaan-Nyo molalu'i diri-Nyo siku'. Huatan Allah paca'an hagar molabuhan nantai.

Yohanes 4:21

Kato Yesus ko io, “Indai, pocayo cam agatn pomandiran-Ku ni'in: Nononyo datakng watunyo urakng paca'an monyombah Allah Bopai di mono ja', bukainyo di bukit ni'in, bukainyo jam di Yerusalem.

Yohanes 4:23

Apo nononyo paca'an datakng watunyo, malahan udah datakam watunyo nantai, boko urakng inyo bondar-bondar monyombah Allah Bopai, sia' paca'an monyombah Sio dalapm Roh Allah. Sia' pan paca'an monyombah Bopai sobagai Allah inyo bondar. Obai, Allah Bopai bogoyap boko urakng inyo monyombah Sio agatn caro nantai.

Kolose 1:19

Obai, somuo sipat huatan kuaso Allah ado di dalapm diri Kristus. Allah siku'mo inyo mongohonda'i nantai.

Kolose 2:9

Obai, Allah ado soponuhnyo di dalapm diri Kristus.

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.

Wahyu 11:17

Kato sia', “Tuhatn Allah inyo Maho Kuaso, inyo ado ni'in huatan inyo udah ado doi' komainyo. Koi botorima' kasih ko Duatn. Obai Duatn momakai kuaso Duatn inyo bosar huatan udah mula'i momorintah.

Wahyu 14:4

Sia' ia'an boko urakng inyo murni sama'an botina'-daro. Obai, sia' co momporajoan agatn boko botina'. Sia' ia'an boko urakng inyo jumpat Ana' Domba nantai ko mono pan Sio botula'. Jadi, sia' nanam inyo udah ditobus inyo monjadi bagian potamo inyo diposombahan ko Allah huatan Ana' Domba nantai.

Wahyu 15:3

Sia' monyanyian nyanyian Musa, hulutn Allah, huatan nyanyian Ana' Domba, ubo ni'in bunyinyo: “Tuhatn Allah Inyo Maho Kuaso! Boko porbuatan Duatn kotakan hebat huatan mohiratan. Duatam Rajo di pucu' boko banso. Boko porbuatan Duatn adil huatan bondar.

Wahyu 16:14

Sia' ia'an kotigo roh jahat nantai inyo mombulah boko bomacapm tando ajaib. Sia' botula' mongumpulan somuo rajo di somuo dunia pakai' boparakng watu Ari Bosar, ia'an Ari Allah Inyo Maho Kuaso mongalahan somuo la'apo pan inyo molawatn Sio.

Wahyu 16:7

Lalu aku mondinga' saro doi' mesbah bopandir, “Oi, Tuhatn Allah inyo Maho Kuaso. Duatn mohakipi urakng agatn bondar huatan adil.”

Wahyu 19:15

Sio ado podakng tajapm inyo koluar doi' nyao-Nyo. Agatn podakng nantai, Sio paca'an mongalahan boko banso. Sio paca'an momorintah sia' agatn tungkah bosi. Sio inyo paca'an momoyah anggurnyo di dalapm tompat pomoyahan anggur nantai, ia'an tompat inyo molambakan ponggodi Allah Inyo Maho Kuaso.

Wahyu 4:8

Koompat mahluk nantai siku'-monyiku' ado onam sayapnyo. Somuo sayap nantai banya' matonyo jam, sokolilikngnyo ongko di dalapmnyo. Siakng-malapm, koompat mahluk nantai bonyanyi kinyo botongga'-boronti. Kato sia', “Kudus, kudus, kudusam Tuhatn Allah, Inyo Maho Kuaso, inyo udah ado doi' komai, ongko inyo ado watu ni'in, ongko inyo paca'an datakng.”

Wahyu 5:6

Lalu, aku moniant siku' Ana' Domba inyo kotiat'annyo samo sama'an udah disombolih. Sio bodiritn di tongah-tongah tahta, koompat mahluk, ongko koduo puluh ompat pomimpitn nantai. Sio ado tujuh tandu' ongko tujuh mato. Nantai ia'an tujuh Roh Allah inyo diutus ko soluruh dunia.

Wahyu 7:15

Nantai sobabnyo sia' bodiritn di pohadapan tahta Allah, hala molayati Sio siakng-malapm di Rumah Allah. Sio inyo dudu' di tahta nantai paca'an monyoroto'i ongko molinduki sia'.

Wahyu 7:17

Nianam koadaan sia' obai Ana' Domba inyo di tongah tahta nantai inyo monjago'i sia' samo sama'an siku' gombala. Sio paca'an moirikan sia' ko sumber ara'i inyo moonji'i kohidupan. Allah paca'an mohapus somuo ara'i mato doi' mato sia'.”