Wahyu 21:10 - Porjanjian Boharu Torjomahan Baso Dilakng Soari-ari

¹⁰ Jadi, Roh Allah monguaso'iku lalu molekat nantai mombaba' aku ko pucu' gunung inyo bosar huatan kotakan tinggi. Sio monunju'an ko aku kota inyo kudus nantai, ia'an Yerusalem inyo boharu. Kota nantai turutn doi' sorugo, doi' Allah.

Wahyu 21:10 ပူးပေါင်းရင်းမြစ်များ

Kisah Boko Rasul 8:39

Lopas jadi sia' monjouh doi' ara'i nantai, sopongirap Roh Allah mombaba'i Filipus doi' tompat nantai. Pojabat nantai kinyo moniant Filipus agi'. Ongko pojabat nantai molajuan pojalatannyo pulakng agatn hati inyo rindakng.

Galatia 4:26

Apo indai inyo molambakan Yerusalem di sorugo ia'an urakng bebas. Io samo sama'an indai kito.

Wahyu 1:10

Watu ari Tuhatn, aku dikuaso'i ulih Roh Allah. Timpu nantai, aku mondinga' saro inyo kotakan borakng samo sama'an bunyi trompet.

Wahyu 11:2

Apo jangan moukur tongahlamanan Rumah Allah inyo di sopia' luar. Obai, tongahlamanan nantai udah dionju' ko boko banso bukai. Sia' paca'an monguaso'i Kota Inyo Suci nantai somanah ompat puluh duo bulatn.

Wahyu 17:3

Jadi, dalapm poniant'anku inyo dionju' Roh Allah, molekat nantai mombaba' ku ko padakng pasir. Di santai, aku moniant siku' botina' dudu' di pucu' bonatakng inyo bowarna mirah tuho nantai. Dibonatakng nantai banya' tulisan inyo mongutu' Allah. Bonatakng nantai bokopala' tujuh huatan botandu' sopuluh.

Wahyu 21:2

Aku pan moniant kota inyo kudus, ia'an Yerusalem inyo boharu. Kota nantai turutn doi' sorugo, doi' Allah. Kota nantai boi' bondar samo sama'an pongantitn botina' inyo borias siap bosandikng agatn pongantitn lolaki.

Wahyu 3:12

Boko urakng inyo monang, Aku paca'an bulah sia' monjadi boko tihakng dalapm Rumah Allah-Ku. Sia' paca'an bodiapm di su'utan soumur hidupnyo. Aku pan paca'an monulis damo Allah-Ku dibukakng sia', damo kota Allah-Ku, ia'an nantai kota Yerusalem boharu inyo turutn doi' sorugo doi' Allah-Ku. Aku pan paca'an monulis damo-Ku inyo boharu di bukakng sia'.

Wahyu 4:2

Sopongirap, aku dikuaso'i ulih Roh Allah. Wah, ado sobuah tahta di sorugo. Ado siku' urakng inyo tongahan dudu' di tahta nantai.