Wahyu 20:8 - Porjanjian Boharu Torjomahan Baso Dilakng Soari-ari

⁸ Io paca'an botula' ko soluruh dunia, monipu boko banso, ia'an Gog huatan Magog. Rajo Sitatn mongumpulan sia' pakai' boparakng molawatn boko urakng inyo pocayo. Jumlah sia' kotakan banya' sama'an pasir di lout.

Wahyu 20:8 ပူးပေါင်းရင်းမြစ်များ

Ibrani 11:12

Obai nantai, io mondapat kotakng banya' koturutan biar pan io bayo siku' urakng ongko io kotakng tuho soumpamo bukakng-tubuhnyo udah mati. Kinyo tohitukng banya'nyo koturutannyo sama'an banya'nyo bintakng di langit damo banya'nyo pasir di pantai lout.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Wahyu 16:14

Sia' ia'an kotigo roh jahat nantai inyo mombulah boko bomacapm tando ajaib. Sia' botula' mongumpulan somuo rajo di somuo dunia pakai' boparakng watu Ari Bosar, ia'an Ari Allah Inyo Maho Kuaso mongalahan somuo la'apo pan inyo molawatn Sio.

Wahyu 20:10

Rajo Sitatn inyo monipu sia' nantai, paca'an ditikapan ko dalapm loutan api ongko bolerang, tompat bonatakng ongko nabi palsu nantai. Sia' somuo paca'an disiksa siakng-malapm pakai' somanah-manahnyo.

Wahyu 7:1

Lopas nian, aku moniant ompat molekat bodiritn di koompat ponjuru bumi. Sia' monahan koompat angin bumi oca' jangan ado angin momuput di darat, damo di lout, huatan diboko kayu.