Wahyu 20:2 - Porjanjian Boharu Torjomahan Baso Dilakng Soari-ari

^2-3 Io monangkap nago nantai, ia'an ular nantai doi' joman komai, Si ular tuho, ia'an Si Iblis, Rajo Sitatn. Molekat nantai mongobat Rajo Sitatn, ditikapannyo ko dalapm Jurakng Maut, lalu mongunci lawakngnyo pakai' soribu tohutn manahnyo. Rajo Sitatn ditahatn disiatntai oca' culihnyo monipu somuo urakng di dunia sampai masa soribu tohutn nantai udah habis. (Lopas nian, io paca'an dilopasan agi', apo ongkah pakai' watu inyo kinyo manah).

Wahyu 20:2 ပူးပေါင်းရင်းမြစ်များ

Matius 19:29

Ado urakng udah moninggalan rumahnyo, somadikan lolaki ongko botina', bopainyo, indainyo, poana'annyo, ongko lakaunyo. Somuo urakng inyo udah moninggalan somuo nantai obai pocayo ko Aku, sia' paca'an mondapat'an agi' doi' Allah soratus kali lipat. Sia' pan paca'an mondapat'an hidup somanah-manahnyo.

Matius 8:29

ongko mondorah, “Oi Ana' Allah! La'apo urusan Duatn agatn koi? Apobai Duatn datakng honda' mohukupm koi sobolupm watunyo inyo ditontuan Allah?”

Markus 4:15

Tanah di jalatn nantai monggambaran boko urakng inyo mondinga'an Pomandiran Allah. Apo, lansukng Rajo Sitatn datakng ongko mombulah sia' tongkolupatn Pomandiran Allah, sampai hati sia' kinyo pocayo.

Markus 5:7

Yesus bopandir, “Oi, roh jahat! Koluar doi' urakng ni'in!” Jadi, roh jahat nantai mondorah kotakan borakng, “Oi Yesus, Ana' Allah Inyo Maho Tinggi! Duatn honda' bulah lapo agatn aku? Aku muhun jangan monyisa aku!”

Yohanes 12:31

Watu ni'in udah gonapam watunyo dunia ni'in dihakipi. Watu ni'in jam, io inyo monguaso'i dunia ni'in, ia'an Rajo Sitatn, paca'an dikalahan.

Yohanes 16:11

Sio paca'an bulah sia' sadar mongona'i hukupan doi' Allah obai Rajo Sitatn inyo monguaso'i dunia ni'in udah dihukupam.

Roma 16:20

Allah inyo moonji'i sonang-nyamanam tajahan copat molonyapan kuaso Rajo Sitatn inyo molawatn kaitn. Aku bodoa oca' Yesus, Tuhatn kito, hala monunju'an kasih-Nyo ko kaitn.

Ibrani 2:14

Yesus monyobut'an boko urakng inyo pocayo ko Sio sobagai poana'an. Sia' ado bukakng-tubuh monsio inyo ulih mati, jadi Yesus monjadi monsio huatan moalapi koadaan samo sama'an sia'. Sio molabuhan nantai oca' watu Sio mati, Sio ulih mohancuran Rajo Sitatn. Rajo Sitatn bokuaso mombulah monsio mati.

1 Petrus 5:8

Apo kaitn gola' hala mongondalian diri kaitn, huatan hala bojojago. Rajo Sitatn nan musuh kaitn. Sitatn honda' mohancuran kopocaya'an kaitn. Sitatn nan samo sama'an singa inyo mondorah, bojalatn kolilikng-kolimbat bogoyap urakng inyo ulih ditolatnnyo.

2 Petrus 2:4

Ingantcam! Pas watu ado boko molekat inyo mombulah dosa, Allah kinyo mombebasan sia' doi' hukupan. Sio monikapan sia' ko dalapm noraka. Sia' dirantai di santai dalapm potakng sampai ari Ponghakipan nononyo.

Yudas 1:6

Ado boko molekat jam inyo kalo dihukupm Tuhatn. Boko molekat nantai molewati batasan kuaso inyo udah ditontuan pakai' sia'. Sia' botula' doi' tompat sia' bodiapm. Ongko, sia' dirantai pakai' somanah-manahnyo. Tuhatn monawatn sia' di tompat inyo kotakan potakng-hiru' sampai ari Ponghakipan nononyo.

Wahyu 12:13

Pas nago nantai sadar obai io udah ditikapan ko bumi, ongko io monyasah pakai' monyakiti botina' inyo molahiran Ana' lolaki nantai.

Wahyu 12:15

Lalu, nago nantai monyomburan ara'i doi' nyaonyo ko arah botina' nantai. Ara'inyo bosar sama'an ara'i pasakng. Nago nantai honda' oca' sungai nantai mohanyutan botina' nantai.

Wahyu 12:17

Ongko, nago nantai monjadi kotakng godi ko botina' nantai. Io botula' boparakng molawatn koturutannyo inyo bukai, ia'an sia' inyo monaati boko porintah Allah huatan pocayo agatn kuat ko somuo inyo Yesus pandiran.

Wahyu 12:3

Lalu ado tando bukai inyo kotiat'an di langit: Wah, ado siku' nago mirah inyo bosar bondar. Nago nantai bokopala' tujuh huatan botandu' sopuluh. Di sotiap kopala'nyo ado mahkota kocit.

Wahyu 12:4

Agatn iku'nyo, nago nantai monari' soportigo boko bintakng doi' langit, lalu monikapan ko bumi. Nago bodiritn di pohadapan botina' inyo honda' boana' nantai. Nago honda' lansukng monolatn Ana' nantai pas Sio dilahiran.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Wahyu 13:2

Bonatakng inyo ku tiat nantai mirip agatn macatn tutul, apo kakinyo sama'an kaki boruakng. Nyaonyo sama'an nyao singa. Nago nantai moonji'i ko bonatakng nantai kokuatannyo, hak pakai' momorintah, agatn kokuasa'annyo inyo bosar.

Wahyu 13:4

Sia' monyombah nago nantai, obai io inyo moonji'i kuaso ko bonatakng nantai. Sia' pan monyombah bonatakng nantai. Kato sia', “Sopo inyo bokuaso samo agatn bonatakng ni'in? Sopo inyo ulih boparakng molawatn io?”

Wahyu 20:10

Rajo Sitatn inyo monipu sia' nantai, paca'an ditikapan ko dalapm loutan api ongko bolerang, tompat bonatakng ongko nabi palsu nantai. Sia' somuo paca'an disiksa siakng-malapm pakai' somanah-manahnyo.

Wahyu 20:7

Lopas masa soribu tohutn nian udah habis, Rajo Sitatn paca'an dilopasan doi' ponjaranyo.

Wahyu 9:11

Rajo inyo momorintah sia' ia'an molekat Jurakng Maut. Damonyo dalapm baso Ibrani ia'an ‘Abadon’, dalapm baso Yunani ia'an ‘Apolion’. Rotinyo ‘urakng inyo mombonasoan.’