Wahyu 20:12 - Porjanjian Boharu Torjomahan Baso Dilakng Soari-ari

¹² Aku moniant boko urakng mati bodiritn di pohadapan tahta nantai, ia'an boko urakng inyo pontikng ongko inyo kinyo pontikng. Boko buku dibuka' ongko buku inyo bukai, ia'an Buku Kohidupan pan dibuka'. Somuo urakng mati nantai dihakipi sosuai agatn tulisan inyo ado di dalapm boko buku nantai, ia'an somuo porbuatan sia' siku'-monyiku'.

Wahyu 20:12 ပူးပေါင်းရင်းမြစ်များ

2 Korintus 5:10

Obai, nononyo kito somuo gola' mohadap tahta Kristus pakai' diadili. Sotiap urakng tajahan monorima' balasan sotimpal agatn porbuatannyo di dunia ni'in, ia'an porbuatannyo inyo boi' damo inyo jahat.

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Wahyu 22:12

Yesus bopandir, “Porotiancam! Aku paca'an oca'mo datakng. Aku mombaba' upah pakai' mombalas sotiap urakng sosuai agatn porbuatannyo.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.

Wahyu 11:18

Somuo banso udah godi. Apo ni'in ponggodi Duatn udah datakam. Watunyo udah datakng pakai' mohakipi boko urakng mati. Watunyo udah datakng pakai' moonji'i upah ko boko nabi inyo molayati Duatn, ko boko urakng pocayo, somuo sia' inyo mohormati Duatn, boko urakng inyo pontikng huatan co pontikng. Watunyo udah datakng pakai' mombonasoan boko urakng inyo mombonasoan bumi.”

Wahyu 3:5

Boko urakng inyo monang paca'an dikona'an pakai'an putih samo sama'an nantai. Aku co paca'an mohapus damo sia' doi' Buku Kohidupan. Aku paca'an moaku'i obai sia' nam umputn-Ku di hadapan Bopai-Ku ongko boko molekat-Nyo.

Wahyu 20:13

Lalu lout monyorahan boko urakng mati inyo ado di dalapmnyo pakai' dihakipi. Ubo nian jam Maut ongko Koraja'an Maut monyorahan boko urakng mati inyo ado di dalapmnyo. Somuo sia' dihakipi sosuai agatn porbuatan sia' siku'-monyiku'.

Wahyu 21:27

Apo somuo inyo campah culih dibaba' mansu' ko dalapm kota nantai. Ubo nian jam boko urakng inyo molabuhan kojahatan huatan tumbukan. Inyo ulih mansu' bayo sia' inyo damonyo totulis dalapm buku Ana' Domba nantai, ia'an Buku Kohidupan.

Kisah Boko Rasul 24:15

Samo sama'an sia', aku pan yakitn obai suatu ari nono Allah paca'an bulah urakng bobali' hidup doi' komatian, boi' urakng bondar honda' pan urakng jahat.

Wahyu 20:11

Lopas nian, aku moniant tahta putih inyo bosar. Aku moniant Sio inyo dudu' di pucu'nyo. Soluruh langit ongko bumi lonyap doi' pohadapan-Nyo huatan kinyo ditomuan agi' tompatnyo.

Wahyu 19:5

Lalu ado saro doi' tahta nantai. Katonyo, “Pujicam Allah kito, oi somuo urakng inyo molayati Sio, somuo urakng inyo mohormati Sio, urakng pontikng huatan urakng inyo kinyo pontikng!”

Filipi 4:3

Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.

Lukas 10:20

Apo lobih boi' jangan sangant rindakng obai boko roh jahat monaati kaitn. Ado alasan inyo lobih pontikng pakai' rindakng nantai obai damo kaitn udah totulis di sorugo.”

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.

Roma 2:6

Timpu nantai, Allah paca'an mombalas sotiap urakng sosuai agatn porbuatannyo.

Wahyu 17:8

Bonatakng nantai inyo udah kolai tiat, io komainyo ado, apo watu ni'in conyiantam. Apo nononyo io paca'an ado agi' doi' Jurakng Maut. Boko urakng inyo bodiapm di bumi, ia'an somuo urakng inyo ado doi' mulo dunia dipulah damonyo kinyo totulis dalapm Buku Kohidupan, sia' paca'an hiratn moniant obai bonatakng nantai kalo ado, lalu hilakng, ongko koluar agi'. Apo lopas nantai, io paca'an dibonasoan somanah-manahnyo.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

Matius 11:22

Dinga'anbo! Timpu Ari Ponghakipan Allah nono, hukupan ko kaitn di Khorazim huatan Betsaida paca'an lobih borat daripado hukupan ko boko urakng jahat di Tirus ongko Sidon nantai.