Wahyu 20:11 - Porjanjian Boharu Torjomahan Baso Dilakng Soari-ari

¹¹ Lopas nian, aku moniant tahta putih inyo bosar. Aku moniant Sio inyo dudu' di pucu'nyo. Soluruh langit ongko bumi lonyap doi' pohadapan-Nyo huatan kinyo ditomuan agi' tompatnyo.

Wahyu 20:11 ပူးပေါင်းရင်းမြစ်များ

Matius 11:22

Dinga'anbo! Timpu Ari Ponghakipan Allah nono, hukupan ko kaitn di Khorazim huatan Betsaida paca'an lobih borat daripado hukupan ko boko urakng jahat di Tirus ongko Sidon nantai.

Matius 24:35

Pocayocam agatn pomandiran-Ku, obai biar pan langit huatan bumi paca'an boahir, pomandiran-Ku totap kinyo tohu boahir.

Matius 25:31

“Ana' Monsio, paca'an datakng agi' sobagai Rajo. Somuo molekat paca'an datakng bosamo-samo agatn Sio. Sio paca'an dudu' di pucu' tahta-Nyo inyo hebat.

Roma 2:5

Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

Wahyu 12:8

Apo nago nantai dikalahan! Nago huatan boko molekatnyo culih bodiapm di sorugo agi'.

Wahyu 16:20

Somuo pulau hilakng tonggolapm. Somuo gunung hancur diratoan, co kotiat'an agi'am.

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 20:2

Io monangkap nago nantai, ia'an ular nantai doi' joman komai, Si ular tuho, ia'an Si Iblis, Rajo Sitatn. Molekat nantai mongobat Rajo Sitatn, ditikapannyo ko dalapm Jurakng Maut, lalu mongunci lawakngnyo pakai' soribu tohutn manahnyo. Rajo Sitatn ditahatn disiatntai oca' culihnyo monipu somuo urakng di dunia sampai masa soribu tohutn nantai udah habis. (Lopas nian, io paca'an dilopasan agi', apo ongkah pakai' watu inyo kinyo manah).

Wahyu 21:1

Lopas nian aku moniant ado langit inyo boharu ongko bumi inyo boharu. Obai langit potamo ongko bumi potamo udah lonyap am. Lout pan conyiant.

Wahyu 21:5

Allah inyo dudu' di pucu' tahta nantai bopandir, “Tiatcam! Aku bulah somuo hal monjadi boharu!” Sio pan bopandir ko aku, “Tuliscam ni'inan, obai somuo pomandiran ni'in bondar huatan ulih dipocayo.”

Wahyu 4:2

Sopongirap, aku dikuaso'i ulih Roh Allah. Wah, ado sobuah tahta di sorugo. Ado siku' urakng inyo tongahan dudu' di tahta nantai.

Wahyu 6:14

Langit hilakng tontu sama'an korotas digulukng, huatan boko bukit ongko pulau pan diginsit doi' tompatnyo.