Wahyu 20:10 - Porjanjian Boharu Torjomahan Baso Dilakng Soari-ari

¹⁰ Rajo Sitatn inyo monipu sia' nantai, paca'an ditikapan ko dalapm loutan api ongko bolerang, tompat bonatakng ongko nabi palsu nantai. Sia' somuo paca'an disiksa siakng-malapm pakai' somanah-manahnyo.

Wahyu 20:10 ပူးပေါင်းရင်းမြစ်များ

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Matius 7:15

“Boboi'cam tohadap boko nabi palsu. Sia' pompadah boi' apo tujuan sia' jahat. Sia' samo sama'an payau ganas inyo datakng monyamar sama'an domba.

Markus 9:44

Di su'utn api kinyo tohu-buta', huatan hulat kinyo tohu mati.]

Wahyu 16:13

Lalu aku moniant tigo roh jahat inyo monyorupo'i gonjau. Siku' koluar doi' nyao nago, siku' doi' nyao bonatakng potamo, huatan siku' doi' nyao nabi palsu nantai.

Wahyu 19:20

Bonatakng nantai ditangkap bosamo-samo agatn nabi palsu nantai, ia'an io inyo bulah boko mujisat nantai di hadapan mato bonatakng nantai. Agatn boko mujisat nantai, io monipu boko urakng inyo ado tando bonatakng nantai, boko urakng inyo monyombah lompatukng bonatakng nantai. Jadi, bonatakng huatan nabi palsu nantai dibuakan hidup-hidup ko dalapm loutan api inyo tongahan bonyalo agatn bolerang.

Wahyu 20:8

Io paca'an botula' ko soluruh dunia, monipu boko banso, ia'an Gog huatan Magog. Rajo Sitatn mongumpulan sia' pakai' boparakng molawatn boko urakng inyo pocayo. Jumlah sia' kotakan banya' sama'an pasir di lout.

Wahyu 9:17

Aku moniant boko kuda nantai dalapm poniant'anku. Aku pan moniant boko urakng inyo monunggakngnyo. Sia' momakai baju bosi inyo bowarna mirah sama'an api, biru sama'an batu nilam, huatan kuning sama'an bolerang. Boko kuda nantai bokopala' sama'an kopala' singa. Ado api, ansap huatan bolerang inyo koluar doi' nyao boko kuda nantai.