Wahyu 2:9 - Porjanjian Boharu Torjomahan Baso Dilakng Soari-ari

⁹ Aku tohu obai kaitn didorako'i obai pocayo ko Aku. Aku tohu obai kaitn jaro, apo ingant cam obai sobondarnyo kaitn dampu! Aku tohu obai kaitn dipojahat ulih boko urakng inyo monyobut dirinyo urakng Yahudi. Apo sobondarnyo sia' bukainyo anggota umant Allah. Sia' anggota umant Rajo Sitatn!

Wahyu 2:9 ပူးပေါင်းရင်းမြစ်များ

Matius 4:10

Apo Yesus bopandir ko io, “Oi Sitatn, jouhancam diri kolai doi' Aku! Obai, ado pomandiran Allah inyo ditulis dalapm Buku Suci, Sombahcam Tuhatn Allah kolai. Layati Sio ja'am.”

Lukas 12:21

Lopas nian Yesus monyimpulan, “Nianam inyo tajahan tojadi agatn somuo urakng inyo mongumpulan kodampuan pakai' dirinyo siku', apo kinyo molabuhan la'apo inyo monyonangan Allah.”

Lukas 22:65

Sia' hala boulu'an Sio agatn boko pomandiran.

Lukas 4:18

“Roh Tuhatn Allah ado di Aku, obai Sio momilih Aku pakai' monyampaian kabar boi' ko boko urakng jaro; Sio moutus Aku pakai' mongabaran

Lukas 6:20

Lopas nantai, Yesus mongilikng boko murid-Nyo ongko bopandir, “Diborokati bayakan kaitn inyo jaro, obai kaitn ninam inyo anggota koraja'an Allah,

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

Kisah Boko Rasul 26:11

Aku pan opat mondorako'i sia' inyo kotomuanku dalapm boko rumah sombayakng. Aku bousaha momoso sia' pakai' co pocayo agi' agatn Yesus. Aku kotakan godi agatn sia' sampai aku monyasah sia'. Aku monyasah sia' ko boko kota bukai jam oca' aku dapat mondorako'i sia'.

Roma 12:12

Sonang-nyamancam obai kaitn yakitn boharap ko Tuhatn. Kaitn gola' botahatn mohadapi ajab sonsaro ongko hala bodoa.

Roma 2:17

Sama'an apo agatn kaitn? Kaitn bangga monyobut diri kaitn urakng Yahudi. Kaitn bopikir kaitn paca'an disolamant'an obai kaitn mondapat Hukupm Torat. Kaitn momuji diri obai kaitn banso inyo dipilih Allah.

Roma 5:3

Bukainyo ongkah nantai saja'! Kito pan sonang-nyamanam pas watu kito mohadapi ajab sonsaro. Obai, kito mongotohu'i obai ajab sonsaro nantai mombulah kito somongkitn botahatn mohadapi ajab sonsaro.

Roma 8:35

Conyiant ado la'apo pan inyo ulih monyongkayoan kito doi' kasih-Nyo. Aman kito mohadapi kosusahan damo ajab sonsaro, aman ado urakng inyo mondorako'i kito, aman kito conyiant pomakatn, conyiant ado pakai'an, aman kito mohadapi bohayo damo kito dibunuh, somuonyo nantai culih monyongkayoan kito doi' kasih Kristus.

Roma 9:6

Banya' urakng Israel kinyo disolamant'an. Apo nantai kinyo bondar obai Allah balakng momonuhi janji-Nyo ko sia'. Obai, kinyo somuo sia' ia'an bondar-bondar urakng Israel inyo dipilih Allah

2 Korintus 6:10

Opat jam koi salu', apo hala adomo mooso sonang-nyamannyo. Koi jaro, apo bulah urakng banya' monjadi dampu dalapm Tuhatn. Koi conyiant ado la'apo pan, apo sobondarnyo koi dampu dalapm Kristus.

2 Korintus 8:2

Sia' diuji agatn bomacapm pondorita'an. Apo Allah mombulah hati sia' kotakan sonang. Sia' kotakan jaro, apo Allah mombulah hati sia' kotakan sonang moonji'i sumbakan pakai' monulukng urakng bukai.

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

1 Tesalonika 3:4

Komai, watu koi ija' bosamo agatn kaitn, koi udah opat momadahan obai kito inyo pocayo paca'an didorako'i sama'an nantai. Kaitn tohu pomandiran nantai bondar obai hal nantai udah tojadi.

1 Timotius 1:13

Padohal, komai aku ninam urakng inyo mohayam Sio. Aku mondorako'i somuo urakng inyo pocayo ko Sio. Boko porbuatanku nantai kotakan jahat. Apo Yesus monunju'an kasih-Nyo ko aku. Sio molabuhan nantai obai aku bolupm pocayo ko Sio. Aku bolupm mongotohu'i boko porbuatanku nantai kotakan jahat.

1 Timotius 6:18

Poringant'ancam sia' oca' sia' bulah koboi'an. Sia' gola' banya' molabuhan porbuatan boi'. Sia' gola' onsi' agatn urakng, hala bobagi doi' kodampuan sia' pakai' monulukng urakng bukai.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.

Wahyu 2:2

Aku tohu somuo inyo kaitn labuhan, ia'an kaitn bojuakng, kaitn botahatn mohadapi ajab sonsaro. Aku tohu obai kaitn molawatn boko urakng jahat. Kaitn udah mouji boko urakng inyo mongaku' dirinyo rasul, padohal bukainyo. Kaitn udah sadar sia' tumbukan.

Wahyu 2:24

Apo ko boko urakng bukai di Tiatira, kaitn inyo co tuyut ajaran jahat nantai, kaitn inyo monula' ajaran nantai inyo disobut pongotohuan doi' Rajo Sitatn, ko kaitn Aku bopandir: Aku cuku paca'an monambahi bobatn bukainyo ko kolai.

Wahyu 3:9

Porhatiancam! Boko urakng nantai doi' umant Rajo Sitatn, sia' monyobut dirinyo urakng Yahudi. Apo sobondarnyo sia' bukainyo anggota umant Allah. Sia' tumbukan! Aku paca'an bulah sia' datakng tundu' monyungkapan di pohadapan kaki kaitn. Lalu, sia' paca'an tohu obai Aku mongasihi kaitn.

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.