Wahyu 2:3 - Porjanjian Boharu Torjomahan Baso Dilakng Soari-ari

³ Kaitn sabar, botahatn mohadapi ajab sonsaro obai damo-Ku. Kaitn co putus asa.

Wahyu 2:3 ပူးပေါင်းရင်းမြစ်များ

Markus 15:21

Watu sia' tongahan bojalatn, sia' nantai botomu agatn urakng doi' kota Kirene. Damonyo Simon. (Io ia'an bopai Aleksander ongko Rufus.) Simon hoyu' datakng doi' luar kota. Boko projurit momoso io pakai' momikul kayu salib Yesus.

Lukas 14:27

Urakng inyo honda' tuyut Aku gola' siap mohadapi ajab sonsaro, apotolagi' sampai mati. Nian samo samaꞌan urakng inyo paca'an dihukupm mati, io gola' momikul kayu salibnyo siku'. Aman io kinyo siap mohadapi ajab sonsaro, io culih monjadi murid-Ku.

Lukas 18:1

Yesus momakai poumpamoan ni'in pakai' mongajar boko murid-Nyo oca' hala bodoa huatan co putus asa, obai doanyo tajahan dikabulan.

Lukas 5:5

Simon monimbas, “Guru, somalapm tumbas koi monjalo apo nyiant ado pongulih siku' pan. Apo, obai Duatn monyiuhnyo, aku totap labuh monibaran jalo agi'.”

Lukas 8:15

Apo ado boko urakng inyo monorima' pomandiran Allah sia' samo sama'an bonih inyo jatu' di tanah inyo boi'. Sia' mondinga'annyo, huatan monyimpatnnyo dalapm hati inyo boi' ongko jujur. Sia' botahatn, ongko hala molabuhan porbuatan inyo monyonangan Allah. Samo ubo tontanaman di tanah inyo boi' mohasilan buah inyo boi' jam.”

Yohanes 15:21

Ado inyo paca'an mondorako'i kaitn obai kaitn ni'inan murid-Ku, obai sia' co mongonal Bopai inyo moutus Aku.

Roma 12:12

Sonang-nyamancam obai kaitn yakitn boharap ko Tuhatn. Kaitn gola' botahatn mohadapi ajab sonsaro ongko hala bodoa.

Roma 16:12

Salapm ko Trifena ongko Trifosa inyo bokorojo koras molayati Tuhatn. Salapm ko Persis inyo ku kasihi inyo pan bokorojo koras molayati Tuhatn.

Roma 2:7

Allah paca'an moonju' kohidupan kokal ko urakng inyo kinyo monyorah pakai' bulah koboi'an, ia'an urakng inyo bulah koboi'an obai moncari' komulia'an huatan hormat doi' Allah, huatan honda' dionji'i hidup kokal doi' Sio.

Roma 8:25

Apo kito totap yakitn moharap'an borokat inyo bolupm dionji'i. Jadi, kito ija' sabar monantiannyo.

1 Korintus 13:7

Urakng inyo mongasihi nantai ia'an urakng inyo ulih tahatn mohadapi la'apo pan. Io hala pocayo. Io hala yakitn huatan boharap ko Allah dalapm somuo koadaan. Io hala sabar mohadapi la'apo pan.

1 Korintus 16:16

mohormati sia' sobagai pomimpitn kaitn. Hormati jam urakng bukai sama'an sia' inyo bokorojo koras dalapm molayati Tuhatn.

2 Korintus 10:15

Koi co momuji diri agatn polayatan inyo urakng bukai labuhan di luar batas inyo Allah tontuan pakai' koi. Apo, koi momuji mongona'i polayatan koi di antaro kaitn. Polayatan nantai ija' dalapm batas inyo Allah tontuan pakai' koi. Koi boharap obai kaitn mongkitn kuat pocayo ko Kristus. Ongko obai nantai, kaitn paca'an lobih mohormati koi.

2 Korintus 11:23

Kata'an sia' mongatoan obai sia' molayati Kristus ai? Aku molayati Kristus agatn lobih boi'! (Aku gogilo momuji diri ubo ni'inan!) Aku bokorojo molayati lobih koras doi' pado sia'. Aku kotakng opat dimansu'an ko dalapm ponjara obai momboritoan mongona'i Kristus. Aku kotakng opat dipantu', opat jam hampir mati.

2 Korintus 4:1

Allah monunju'an kasih sayang-Nyo dalapm polayatan ni'in ko koi. Obai nantai, koi co putus asa.

2 Korintus 4:16

Nantaiam sobabnyo koi co putus asa. Biar pan bukakng-tubuh koi cocat tuho goluam, apo hati koi doi' ari ko ari diboharu'i.

2 Korintus 5:9

Obai somuo nantai, boi' koi hidup damo mati, koi hala bousaha monyonangan hati Tuhatn.

2 Korintus 6:5

Boko urakng boduda'an koi, monamoan koi ko ponjara, bulah korusuhan pakai' molawatn koi. Koi bokorojo humpas-pulas, hala kolaparan, opat co tidu'.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

Galatia 6:9

Obai nantai, jangan botongga' bulah koboi'an. Pado watu inyo ditontuan Allah, kito paca'an mondapat'an somuo inyo dijanjian-Nyo. Kito paca'an mondapat'annyo, aman kito kinyo botongga' bulah koboi'an.

Filipi 2:16

Ia'an nantai, kaitn monunju'an ko sia' Pomandiran Allah inyo moonji'i hidup inyo sobondarnyo. Aman kaitn hidup sama'an nian, aku tajahan bangga watu ari Kristus datakng agi' obai kaitn monjadi buti obai polayatan ku kinyo pocumo. Ado hasil doi' pogota'an humpas-pulasku.

Filipi 4:3

Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.

Kolose 1:11

Koi pan bodoa oca' Allah monguat'an kaitn agatn kuaso-Nyo inyo kotakng luar biaso. Agatn ubo nian, kaitn ulih totap kuat huatan sabar mohadapi somuo macapm ajab sonsaro,

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

1 Tesalonika 2:9

Boko somadikan, pasti kaitn ingant kotakng kuat koi bokorojo watu koi ado bosamo agatn kaitn di Tesalonika. Koi uyuh-jorih bokorojo siakng malapm pakai' momonuhi kopontikan koi siku'. Jadi, watu koi momboritoan Kabar Boi' doi' Allah, kaitn kinyo gola' momonuhi kopontikan koi.

1 Tesalonika 5:12

Boko somadikan, ado boko urakng inyo bokorojo koras pakai' molayati Tuhatn di antaro kaitn. Sia' momimpitn kaitn huatan momadahi kaitn oca' co bulah dosa. Sia' moingant'an kaitn oca' kaitn co bulah dosa. Koi muhun oca' kaitn morogo'i sia'.

2 Tesalonika 3:13

Boko somadikan somuo, koi bopandir: Jangan hora' molabuhan boko porbuatan inyo boi'.

2 Tesalonika 3:5

Koi bodoa oca' Tuhatn Yesus monulukng kaitn pakai' torus mongotohu'i obai Allah mongasihi kaitn. Koi pan bodoa oca' kaitn ulih kuat watu kaitn didorako'i samo sama'an Kristus kuat watu Sio didorako'i.

2 Tesalonika 3:8

Koi co kalo makatn co bobayar. Koi uyuh jorih bokorojo siakng malapm pakai' momonuhi kopontikan koi siku'. Jadi, koi co kalo mouyuhi kaitn.

1 Timotius 4:10

Pakai' hal nantai am kito bokorojo koras huatan bouyuh-jorih. Obai kito boharap ko Allah inyo hidup. Sio nam inyo monyolamant'an somuo monsio, hususnyo sia' inyo pocayo.

1 Timotius 5:17

Jomaat gola' bondar-bondar mohormati huatan monulukng kohidupan boko ponotua' inyo momimpitn agatn boi', hususnyo boko ponotua' inyo bohotbah ongko mongajar mongona'i Pomandiran Allah.

Ibrani 10:36

Kaitn gola' sabar botahatn oca' kaitn ulih molabuhan kohonda' Allah. Agatn sama'an nantai, kaitn tajahan monorima' borokat inyo Sio janjian.

Ibrani 12:1

Urakng banya' nantai ia'an boko sasi pakai' kito, soumpamonyo awatn inyo mongoliliki kito. Obai nantai, mara kito hidup agatn caro inyo samo sama'an kito bonggidi'an dalapm polomba'an inyo ado dipohadapan kito. Mara cam kito mombuakan somuo bobatn ongko dosa inyo opat mohalaki kito. Mara cam kito hala bonggidi'an sama'an nantai

Ibrani 13:13

Obai nantai, mara am kito botula' ko Yesus di luar junjukng-potungguan ongko jumpat dihanyam jam samo sama'an Sio komai.

Ibrani 6:10

Obai, Allah adil. Sio kinyo kolupatn agatn polayatan kaitn. Sio kinyo tongkolupatn aman kaitn mongasihi urakng bukai oca' damo Sio dipuji. Ia'an nantai, kaitn udah monulukng boko urakng inyo pocayo. Sampai watu ni'in, kaitn totap monulukng sia'.

Ibrani 6:12

Agatn sama'an nantai, kaitn kinyo tajahan monjadi pocalan, apo kaitn tajahan moikuti toladatn boko urakng inyo pocayo komainyo. Obai sia' pocayo huatan obai sia' sabar, jadi sia' monorima' borokat inyo dijanjian Allah.

2 Petrus 1:6

Lopas nian, kaitn gola' bousaha kondalian diri. Lopas nantai, kaitn totap kuat dalapm mohadapi pondorita'an. Lopas nian, kaitn hidup monyonangan Allah.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 3:10

Kaitn udah monaati porintah-Ku pakai' botahatn dalapm mohadapi ajab sonsaro. Obai niannam, Aku paca'an molinduki kaitn doi' masa kosusahan inyo paca'an monimpa soluruh dunia. Hal nantai tojadi pakai' mouji somuo monsio inyo bodiapm di bumi.