Wahyu 2:20 - Porjanjian Boharu Torjomahan Baso Dilakng Soari-ari

²⁰ Apo, Aku moolikan kaitn mongona'i hal ni'in: Kaitn mombiaran botina' nantai, Izebel, monyosat'an umant-Ku. Io mongaku' dirinyo nabi, apo io udah monipu boko hulutn-Ku. Io mongajar oca' sia' bulah dosa bomporajoan, ongko oca' sia' makatn dagikng doi' bonatakng inyo diposombahan ko songiang-duato.

Wahyu 2:20 ပူးပေါင်းရင်းမြစ်များ

Kisah Boko Rasul 15:20

Apo, soharusnyo kito monulis surat ko sia'. Kito momadahan ko sia' oca' jangan momporajoan. Jangan momua'i pomakatn inyo diposombahan ko boko duato. Jangan momua'i isi lou' inyo mati dikoci'. Jangan momua'i darah.

Kisah Boko Rasul 15:29

Ia'an, jangan momporajoan. Jangan momua'i pomakatn inyo diposombahan ko boko duato. Jangan momua'i dagikng bonatakng inyo mati dikoci'. Jangan momua'i darah. Aman kaitn monaati poraturan nantai, kaitn bulah koboi'an. Singgo ni'inam surat koi. Salapm ko somuo somadikan.”

1 Korintus 10:28

Apo aman ado urakng bukai inyo momadahan ko kaitn, “Pomakatn ni'in udah diposombahan ko boko duato.” Jangan am dipua'i pomakatn nantai biar pan kolai kinyo bosalah aman momua'inyo. Obai kolai gola' borotian kopontikan urakng nantai huatan saro hati kocit.

Wahyu 2:14

Apo, Aku moolikan kaitn obai boboropo hal ni'in: Ado boboropo urakng di antaro kaitn inyo tuyut ajaran salah samo sama'an ajaran Bileam joman komai. Bileam mongajar Balak pakai' bulah urakng Israel jatu' ko dalapm dosa, ia'an oca' sia' bopua' dagikng doi' bonatakng inyo diposombahan ko songiang-duato, ongko oca' sia' bulah dosa bomporajoan.

Wahyu 2:4

Apo, Aku moolikan kaitn mongona'i hal ni'in: Kaitn conyiant ado kasih agi' sama'an komai watu kaitn hoyu' pocayo ko aku.