Wahyu 19:8 - Porjanjian Boharu Torjomahan Baso Dilakng Soari-ari

⁸ Pongantitn-Nyo dionji'i pakai'an doi' koitn lenan lombut, inyo putih borosih ongko mongkilap!” Koitn lenan nantai monggambaran boko porbuatan boi' inyo dilabuhan boko urakng umant umputn Allah.

Wahyu 19:8 ပူးပေါင်းရင်းမြစ်များ

Wahyu 3:18

Obai nantai, Aku momadahi kaitn oca' momboli omas doi' Aku, omas inyo udah dimurnian dalapm api. Kaitn gola' molabuhan nantai oca' kaitn bondar-bondar monjadi dampu. Bolicam pakai'an putih doi' Aku oca' kaitn bopakaian, oca' monutupi koadaan kaitn kolanjakng inyo bulah kaitn malu. Bolicam ubat pakai' dipalitan ko mato kaitn oca' kaitn ulih moniant.

Roma 13:14

Apo, kito gola' monjadi samo sama'an Tuhatn Yesus Kristus ongko hala monuruti Sio. Jangannam kito bopikir agi' mongona'i caronyo pakai' mongosihan kohonda' monsio.

Markus 9:3

Jubah-Nyo monjadi putih bokilau-kilauan. Conyiant ado urakng di dunia ni'in inyo ulih monopasi pakai'an sampai monjadi kotakng putih sama'an nantai.

Matius 22:12

Jadi, rajo botakutn ko io, ‘Uai somadikan, ubo apo kulo ulih mansu' ko si'itn co momakai pakai'an pogai kawitn?’ Urakng nantai co bopandir la'apo pan.

Wahyu 15:4

Boko urakng somuonyo paca'an mohormati Duatn, Au Tuhatn! Boko urakng somuonyo paca'an momuji damo Duatn. Obai ongkah Duatam inyo suci. Somuo banso paca'an datakng monyombah Duatn, obai boko urakng udah moniant Duatn mohakipi agatn bondar”.

Kisah Boko Rasul 1:10

Apo, watu sia' ija' moniant ko langit tongahan Sio noi', colanant ado duo urakng bojubah putih. Koduo urakng nantai bodiritn di totai sia'.

Lukas 24:4

Tongahan sia' bodiritn di santai bingung momikiran hal nantai, sopongirap ado duo urakng agatn pakai'an bocohayo bodiritn dampikng sia'.

Roma 3:22

Ia'an, urakng monjadi bondar di hadapan Allah agatn caro pocayo ko Yesus Kristus. Caronyo samo pakai' somuo urakng. Dalapm hal nantai, urakng Yahudi kinyo ado bedanyo doi' urakng bukai Yahudi.

Matius 17:2

Lalu sia' tigo moniant bukakng-tubuh huatan pakai'an Yesus borubah. Mato-muhonyo bocohayo sama'an matoari. Pakai'an-Nyo monjadi putih momanjah.

Wahyu 15:6

Kotujuh molekat agatn kotujuh malopotako koluar doi' Rumah Allah nantai. Sotiap sia' ado pakai'an doi' koitn lenan inyo putih borosih mongkilap. Sia' ado ikat pinggakng omas di dado sia'.

Wahyu 19:14

Somuo tontara sorugo tuyut Sio monunggakng kuda putih jam. Sia' momakai pakai'an doi' koitn lenan lombut inyo putih borosih.