Wahyu 19:6 - Porjanjian Boharu Torjomahan Baso Dilakng Soari-ari

⁶ Lopas jadi aku mondinga' bunyi sama'an saro borakng doi' banya' urakng. Saro nantai borakng sama'an bunyi guruh golumbakng lout, sama'an bunyi guntur solitar. Sia' bopandir, “Haleluya! Pujicam Tuhatn Allah kito inyo Maho Kuaso obai Sio udah momorintah.

Wahyu 19:6 ပူးပေါင်းရင်းမြစ်များ

Wahyu 14:2

Aku mondinga' ado saro doi' langit sama'an gonggo ara'i bah. Saro nantai borakng sama'an bunyi guntur. Saro inyo kudinga' nantai sama'an bunyi boko kocapi inyo dibunyian boko urakng.

Wahyu 19:1

Lopas jadi nantai aku mondinga' bunyi lou' samo sama'an saro borakng doi' urakng banya' di sorugo. Kato sia', “Haleluya! Allah kito inyo monyolamant'an. Sio inyo mulia huatan bokuaso.

Wahyu 6:1

Lopas nian, aku moniant Ana' Domba nantai mombuka' segel potamo doi' kotujuh segel nantai. Watu nantai, aku mondinga' salah siku' doi' koompat mahluk hidup nantai bopandir agatn saro borakng samo sama'an bunyi guntur solitar. Katonyo, “Hincapm!”

Wahyu 1:15

Kaki-Nyo mongkilat samo sama'an tombago inyo tongahan dimurnian dalapm api. Saro-Nyo samo sama'an guruh golumbakng lout.

Wahyu 21:22

Aku co moniant Rumah Allah di dalapm kota nantai. Obai, Tuhatn Allah inyo Maho Kuaso ongko Ana' Domba nantai am Rumah Allah pakai' kota nantai.

Wahyu 12:10

Lalu, aku mondinga' saro inyo borakng di sorugo. Katonyo, “Ninam watunyo Allah monyolamant'an umat-Nyo! Ninam watunyo Allah monunju'an kuaso-Nyo. Ninam watunyo Allah kito moninjakan Korajaan-Nyo. Ninam watunyo Rajo Inyo Dijanjian Allah momorintah agatn kuaso-Nyo. Obai, Rajo Sitatn udah ditikapan doi' sorugo. Sio culih agi' monuntut boko somadikan kito siakng huatan malapm di hadapan Allah kito.

Wahyu 8:5

Lalu, molekat nantai monguti' ongko moisi'i mangku' nantai agatn baro api doi' mesbah nantai. Io monikapannyo ko bumi. Ongko ado saro guntur solitar, huatan gompa bumi.

Wahyu 4:5

Ado kilat ongko bunyi guntur solitar inyo koluar doi' tahta di tongah nantai. Di pohadapan tahta nantai ado tujuh obor inyo bonyalo. Nianam kotujuh Roh Allah.

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.

Wahyu 19:4

Koduo puluh ompat pomimpitn huatan koompat mahluk nantai lansukng tundu' monyungkapan huatan monyombah Allah inyo dudu' di tahta nantai. Sia' bopandir, “Amin! Haleluya!”