Wahyu 19:3 - Porjanjian Boharu Torjomahan Baso Dilakng Soari-ari

³ Sokali agi' urakng banya' di sorugo bopandir, “Haleluya! Ansap api inyo mombonasoan kota nantai noi' ko pucu' kinyo tohu botongga'!”

Wahyu 19:3 ပူးပေါင်းရင်းမြစ်များ

Yudas 1:7

Boko urakng di kota Sodom ongko Gomora huatan boko kota di sokitarnyo sama'an nantai jam. Sia' bulah pomporajoan. Sia' momuasan boko kohonda' bukakng-tubuh inyo kinyo wajar. Jadi, sia' dihukupm, ija' disiksa agatn api inyo kinyo tohu puja' somanah-manahnyo. Kojadian nantai monjadi poringant'an pakai' somuo urakng.

Wahyu 14:11

Ansap doi' api inyo monyonsaro'i sia' nantai paca'an noi' ko pucu' somanah-manahnyo. Sia' disiksa siakng-malapm kinyo botongga'-boronti. Sama'an nianam ajab sonsaro inyo paca'an tojadi pakai' sia' inyo monyombah bonatakng huatan lompatukngnyo nantai, boko urakng inyo monorima' tando damo bonatakng nantai.”

Wahyu 18:18

Sia' paca'an moniant ansap api inyo mombonasoan kota nantai. Watu nantai, sia' paca'an mondongkakng-mondorah, “Co nyiant kota bukainyo inyo samo sama'an bosarnyo agatn kota bosar ni'in!”

Wahyu 18:9

Boko rajo di dunia inyo udah bulah dosa bomporajoan agatn io, inyo udah hidup mewah agatn io, sia' paca'an moniant ansap api inyo mombonasoannyo. Watu nantai, sia' paca'an monangis huatan bulikng obai io.

Wahyu 19:1

Lopas jadi nantai aku mondinga' bunyi lou' samo sama'an saro borakng doi' urakng banya' di sorugo. Kato sia', “Haleluya! Allah kito inyo monyolamant'an. Sio inyo mulia huatan bokuaso.

Wahyu 19:4

Koduo puluh ompat pomimpitn huatan koompat mahluk nantai lansukng tundu' monyungkapan huatan monyombah Allah inyo dudu' di tahta nantai. Sia' bopandir, “Amin! Haleluya!”