Wahyu 19:14 - Porjanjian Boharu Torjomahan Baso Dilakng Soari-ari

¹⁴ Somuo tontara sorugo tuyut Sio monunggakng kuda putih jam. Sia' momakai pakai'an doi' koitn lenan lombut inyo putih borosih.

Wahyu 19:14 ပူးပေါင်းရင်းမြစ်များ

Matius 21:5

“Padahan ko boko pondudu' di kota Yerusalem, ‘Porotiancam, Rajo kaitn tongahan datakng ko kaitn! Sio lomah-lombut. Sio monunggakng koledai botina', ongko siku' ana' koledai inyo muda'.’ ”

Matius 26:53

Pasti aman Aku minto ko Bopai-Ku, Sio paca'an hagarmo mongiripan lobih doi' duo bolas pasukan tontara molekat pakai' monulukng Aku.

Matius 28:3

Io bocohayo momanjah sama'an kilat. Pakai'annyo putih bondar.

2 Tesalonika 1:7

Sio pan paca'an mongkongkanti'i kaitn inyo didorako'i. Ubo nian jam agatn koi. Hal nantai paca'an tojadi pado watu Yesus datakng agi' doi' sorugo. Allah paca'an monyatoan Yesus nantai Tuhatn di pucu' somuo hal. Yesus paca'an datakng bosamo boko molekat-Nyo inyo bokuaso. Api inyo bonyalo bosar paca'an mongoliliki Sio.

Yudas 1:14

Henokh, koturutan kotujuh doi' Adapm, udah momadahan doi' komai obai sia' paca'an dihukupm. Kato io, “Tiatcam! Tuhatn paca'an datakng agatn boribu-ribu molekat-Nyo.

Wahyu 14:1

Lopas nian, aku moniant, wah, Ana' Domba bodiritn di bukit Sion. Bosamo agatn Sio ado soratus ompat puluh ompat ribu urakng. Di koning boko urakng nantai ado totulis damo Ana' Domba huatan damo Bopai-Nyo.

Wahyu 14:20

Boko buah anggur nantai dipoyah di luar kota. Huatan, darah mongalir doi' tompat nantai sama'an sungai, dalapmnyo duo meter, jouhnyo tigo ratus pal.

Wahyu 17:14

Sia' paca'an boparakng molawatn Ana' Domba. Apo Ana' Domba paca'an mongalahan sia', obai Sionam Tuhatn inyo bokuaso dipucu' boko tuhatn, Rajo di pucu' somuo rajo bukai. Boko urakng inyo bosamo agatn Ana' Domba paca'an monang, ia'an sia' inyo ditingkau, inyo dipilih, inyo sotia ko Sio.”

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 19:8

Pongantitn-Nyo dionji'i pakai'an doi' koitn lenan lombut, inyo putih borosih ongko mongkilap!” Koitn lenan nantai monggambaran boko porbuatan boi' inyo dilabuhan boko urakng umant umputn Allah.

Wahyu 3:4

Apo ado boboropo urakng doi' jomaat di Sardis inyo hidup borosih doi' dosa. Sia' bopakaian putih huatan paca'an bojalatn bosamo-samo agatn Aku, obai sia' cucu' pakai' nantai.

Wahyu 4:4

Ado duo puluh ompat tahta bukainyo inyo mongoliliki tahta nantai. Duo puluh ompat pomimpitn dudu' di boko tahta nantai. Sia' bopakaian putih huatan tiap iku' ado mahkota omas di kopala'.

Wahyu 7:9

Lopas nantai aku moniant, ih, ado kumpulan urakng inyo kotakan banya', kinyo tohitukng jumlahnyo. Sia' doi' sotiap banso, sotiap suku, sotiap negara, sotiap baso. Sia' bodiritn di hadapan tahta ongko di hadapan Ana' Domba. Sia' momakai jubah putih ongko monjujut boko dahatn kayu palem di jari sia'.