Wahyu 19:12 - Porjanjian Boharu Torjomahan Baso Dilakng Soari-ari

¹² Mato-Nyo sama'an api tongahan bonyalo. Sio ado banya' mahkota di kopala'-Nyo. Ado damo totulis di Sio inyo kinyo dikotohu'i sopo pan, solaitn Sio siku'.

Wahyu 19:12 ပူးပေါင်းရင်းမြစ်များ

Matius 11:27

Ongko Yesus bopandir ko boko urakng, “Bopai-Ku udah moonju' somuo hal ko Aku. Co nyiant siku' pan inyo mongonal Ana' solaitn Bopai, nyiant siku' pan inyo mongonal Bopai solaitn Ana', huatan boko urakng inyo dipokonalan Ana' agatn Bopai.

Matius 21:5

“Padahan ko boko pondudu' di kota Yerusalem, ‘Porotiancam, Rajo kaitn tongahan datakng ko kaitn! Sio lomah-lombut. Sio monunggakng koledai botina', ongko siku' ana' koledai inyo muda'.’ ”

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Lukas 10:22

Lalu Yesus bopandir ko boko urakng banyaꞌ, “Bopai-Ku udah moonji'i somuo kuaso ongko pongotohuan ko Aku. Conyiant siku' pan inyo bondar-bondar mongonal Ana', solaitn Bopai. Conyiant jam inyo bondar-bondar mongonal Bopai solaitn Ana', huatan boko urakng inyo Ana' nantai pilih pakai' mongonalan Bopai.”

Yohanes 17:11

Sobontar agi' Aku paca'an datakng bobali' ko Duatn. Aku co paca'an ado di dalapm dunia. Apo sia' ija' ado di dalapm dunia ni'in. Oi Bopai-Ku inyo Suci, lindukicam sia' agatn kuaso dalapm damo Duatn, ia'an damo inyo Duatn udah onju' ko Aku. Lindukicam sia' oca' sia' bosatu, samo sama'an Duatn agatn Aku siku'mo.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Efesus 1:21

Sio mombulah Kristus lobih bokuaso doi' somuo kuaso bukai, ia'an somuo pomimpitn, somuo pomorintahan, somuo rajo, somuo urakng pontikng. Kristus lobih bokuaso doi' somuonyo bukainyo bayo watu di dunia ni'in, apo pakai' somanah-manahnyo jam.

Ibrani 2:9

Apo kito tiat Yesus bokuaso. Kinyo manah Allah mombulah Sio monjadi monsio inyo ‘lobih babah doi' boko molekat’. Ongko watu ni'in Sio udah ‘monjadi mulia ongko tohormat’ obai Sio mondorita' sampai mati pakai' somuo monsio. Nantai tojadi obai kasih karunia Allah.

Wahyu 1:14

Rambut di kopala'-Nyo putih sama'an bulu domba, putih samo sama'an kombakng kodombo. Mato-Nyo sama'an api bonyalo-nyalo.

Wahyu 12:3

Lalu ado tando bukai inyo kotiat'an di langit: Wah, ado siku' nago mirah inyo bosar bondar. Nago nantai bokopala' tujuh huatan botandu' sopuluh. Di sotiap kopala'nyo ado mahkota kocit.

Wahyu 13:1

Lopas nian, aku moniant siku' bonatakng koluar doi' dalapm lout. Io botandu' sopuluh huatan bokopala' tujuh. Di sotiap tandu'nyo ado mahkota kocit. Di sotiap kopala'nyo totulis boko damo inyo mohanyam Allah.

Wahyu 19:16

Dijubah-Nyo huatan paho-Nyo totulis damo ni'in, “Rajo inyo bokuaso di pucu' boko rajo, Tuhatn di pucu' boko habakng.”

Wahyu 3:12

Boko urakng inyo monang, Aku paca'an bulah sia' monjadi boko tihakng dalapm Rumah Allah-Ku. Sia' paca'an bodiapm di su'utan soumur hidupnyo. Aku pan paca'an monulis damo Allah-Ku dibukakng sia', damo kota Allah-Ku, ia'an nantai kota Yerusalem boharu inyo turutn doi' sorugo doi' Allah-Ku. Aku pan paca'an monulis damo-Ku inyo boharu di bukakng sia'.

Wahyu 6:2

Jadi aku moniant, ih, ado siku' kuda putih inyo moncumul. Urakng inyo monunggaki kuda nantai monggintikng sobuti' panah. Io dionji'i sobuti' mahkota. Sobagai urakng inyo udah monang, io maju ko luar pakai' mongalahan somuo musuh.