Wahyu 18:9 - Porjanjian Boharu Torjomahan Baso Dilakng Soari-ari

⁹ Boko rajo di dunia inyo udah bulah dosa bomporajoan agatn io, inyo udah hidup mewah agatn io, sia' paca'an moniant ansap api inyo mombonasoannyo. Watu nantai, sia' paca'an monangis huatan bulikng obai io.

Wahyu 18:9 ပူးပေါင်းရင်းမြစ်များ

1 Timotius 5:11

Apo jangan moncatat damo boko botina' balu inyo ija' muda' dalapm daptar nantai. Obai aman sia' ado kohonda' bomporajoan agatn boko lolaki, lalu sia' paca'an bayo bopikir honda' bolaki agi'. Aman sama'an nian, sia' paca'an tongkolupatn janji sia' pakai' molayati Kristus.

Wahyu 14:11

Ansap doi' api inyo monyonsaro'i sia' nantai paca'an noi' ko pucu' somanah-manahnyo. Sia' disiksa siakng-malapm kinyo botongga'-boronti. Sama'an nianam ajab sonsaro inyo paca'an tojadi pakai' sia' inyo monyombah bonatakng huatan lompatukngnyo nantai, boko urakng inyo monorima' tando damo bonatakng nantai.”

Wahyu 17:2

Boko rajo di dunia udah bulah dosa pomporajoan agatn io. Huatan boko urakng di bumi komabu'an obai minum anggur pomporajoan.”

Wahyu 18:18

Sia' paca'an moniant ansap api inyo mombonasoan kota nantai. Watu nantai, sia' paca'an mondongkakng-mondorah, “Co nyiant kota bukainyo inyo samo sama'an bosarnyo agatn kota bosar ni'in!”

Wahyu 18:20

(Ui kaitn somuo di sorugo! Sonang-nyamancam! Ui kaitn boko urakng kudus, boko rasul, huatan boko nabi! Sonang-nyamancam! Obai, Allah udah mohukupm kota nantai sosuai agatn porbuatannyo inyo jahat agatn kaitn).

Wahyu 18:3

Obai, somuo banso udah minum anggur pomporajoannyo. Boko rajo di dunia udah bulah dosa bomporajoan agatn io. Boko podagakng di dunia monjadi dampu obai napsunyo kinyo tokondalian nantai.”

Wahyu 18:7

Io udah monikmati hidup inyo tohormat huatan mewah socaro luar biaso. Jadi watu ni'in, pulahcam io sonsaro huatan bulikng socaro luar biaso jam. Obai io bopandir dalapm hatinyo, ‘Aku ninam ratu inyo momorintah! Aku bukainyo balu. Aku co paca'an kalo mooso bulikng!’

Wahyu 19:3

Sokali agi' urakng banya' di sorugo bopandir, “Haleluya! Ansap api inyo mombonasoan kota nantai noi' ko pucu' kinyo tohu botongga'!”

Wahyu 2:22

Porotiancam! Io paca'an toposo ongkah tomolantakng di kotidu'annyoam, obai Aku paca'an mohukupm io agatn ponyakit payah. Sama'an nian jam boko urakng inyo bulah dosa bomporajoan agatn io. Aman sia' co botongga' bulah dosa nantai, sia' nononyo kotakan mondorita'.