Wahyu 18:3 - Porjanjian Boharu Torjomahan Baso Dilakng Soari-ari

³ Obai, somuo banso udah minum anggur pomporajoannyo. Boko rajo di dunia udah bulah dosa bomporajoan agatn io. Boko podagakng di dunia monjadi dampu obai napsunyo kinyo tokondalian nantai.”

Wahyu 18:3 ပူးပေါင်းရင်းမြစ်များ

Lukas 7:25

Jadi, kaitn botula' ko su'utn pakai' moniant la'apo? Pasti co pakai' moniant urakng inyo bopakaian boi'. Urakng dampu inyo hidupnyo bokocukupan pasti bodiapm dalapm istana kinyo di padakng pasir.

1 Timotius 5:11

Apo jangan moncatat damo boko botina' balu inyo ija' muda' dalapm daptar nantai. Obai aman sia' ado kohonda' bomporajoan agatn boko lolaki, lalu sia' paca'an bayo bopikir honda' bolaki agi'. Aman sama'an nian, sia' paca'an tongkolupatn janji sia' pakai' molayati Kristus.

Wahyu 14:8

Lalu, ado molekat agi' inyo mombodapan inyo potamo. Molekat koduo nantai bopandir, “Kota Babel udah dihukupm Allah. Kota bosar nantai udah rontapam! Kota nantai udah mombulah somuo banso bukai jumpat bodosa momuasan kohonda' pakai' momporajoan.”

Wahyu 17:2

Boko rajo di dunia udah bulah dosa pomporajoan agatn io. Huatan boko urakng di bumi komabu'an obai minum anggur pomporajoan.”

Wahyu 18:19

Sia' monangis kapikan moabur habu di kopala' sia' sobagai tando bulikng. Kato sia', “Bonaso, bonaso kota bosar nantai. Komai somuo urakng inyo umputn kapal di lout monjadi dampu obai bodagakng barakng kolai inyo mahal. Apo kolai bonaso obai kolai udah paca'an dibonasoan dalapm so japm mo!”

Wahyu 18:23

Randai pompolitoan co paca'an borandai agi' di dalapm kolai. Saro rindakng-ramai doi' mompelai lolaki ongko pongantitn botina' co paca'an kodinga'an agi' di dalapm kolai. Obai boko podagakng kolai ia'an boko urakng pontikng di dunia. Kolai jam monipu somuo banso agatn ilmu sihir kolai.”

Wahyu 18:7

Io udah monikmati hidup inyo tohormat huatan mewah socaro luar biaso. Jadi watu ni'in, pulahcam io sonsaro huatan bulikng socaro luar biaso jam. Obai io bopandir dalapm hatinyo, ‘Aku ninam ratu inyo momorintah! Aku bukainyo balu. Aku co paca'an kalo mooso bulikng!’

Wahyu 18:9

Boko rajo di dunia inyo udah bulah dosa bomporajoan agatn io, inyo udah hidup mewah agatn io, sia' paca'an moniant ansap api inyo mombonasoannyo. Watu nantai, sia' paca'an monangis huatan bulikng obai io.