Wahyu 18:20 - Porjanjian Boharu Torjomahan Baso Dilakng Soari-ari

²⁰ (Ui kaitn somuo di sorugo! Sonang-nyamancam! Ui kaitn boko urakng kudus, boko rasul, huatan boko nabi! Sonang-nyamancam! Obai, Allah udah mohukupm kota nantai sosuai agatn porbuatannyo inyo jahat agatn kaitn).

Wahyu 18:20 ပူးပေါင်းရင်းမြစ်များ

Wahyu 6:10

Dalapm poniant'anku, sia' tongahan moningkau kotakan borakng, “Oh, Tuhatn Inyo Maho Kuaso, Inyo Kudus ongko Inyo Bondar! Ija' apo manahnyo sampai Duatn paca'an mohakipi ongko mohukupm boko urakng inyo mombunuh koi?”

Wahyu 12:12

Obai nantai, sonang-asau cam sorugo huatan kaitn bodiapm di dalapmnyo! Apo bonasoam kaitn di bumi huatan lout! Obai Rajo Sitatn udah turutn ko kaitn. Io kotakan godi obai io tohu co manah agi' io kinyo paca'an bokuaso di dunia.”

Yudas 1:17

Apo, kaitn, boko somadikanku inyo ku kasihi, ingant cam pomandiran inyo komai udah dipadahan ko kaitn doi' boko rasul Yesus Kristus, Tuhatn inyo bokuaso.

2 Petrus 3:2

Aku honda' oca' kaitn moingant pomandiran inyo komai udah dipandiran doi' boko nabi Allah, huatan jam oca' kaitn moingant apo inyo boko rasul udah sampaian ko kaitn, ia'an boko porintah doi' Yesus Kristus, Ponyolamant huatan Tuhatn pucu' kito.

Efesus 4:11

Sio nam inyo moonji'i komampuan husus ko boko urakng. Ado inyo dionji'i komampuan husus pakai' monjadi boko rasul. Ado inyo bukai dionji'i komampuan husus pakai' monjadi nabi. Ado inyo bukainyo agi' di onji'i komampuan husus pakai' momboritoan Kabar Boi'. Ado jam inyo dionji'i komampuan husus pakai' mombimbikng jomaat samo samaꞌan gombala. Ado jam inyo dionji'i komampuan husus pakai' mongajar.

Efesus 2:20

Kaitn samo sama'an rumah inyo ditinjakan di pucu' pondasi batu, ia'an boko rasul ongko boko nabi, huatan Kristus Yesus nantai sobagai batu inyo kotakng pontikng.

Efesus 3:5

Pado joman komai, Allah kinyo momandiran roncana-Nyo nantai ko monsio. Apo watu ni'in, Sio momakai Roh-Nyo pakai' momadahannyo ko boko rasul ongko boko nabi inyo Sio pilih husus pakai' molayati Sio.

Wahyu 18:6

Pulahcam ko io samo sama'an io pulah ko urakng bukai. Balascam io duo kali lipat pakai' somuo porbuatannyo inyo jahat. Isicam cangkirnyo agatn minuman inyo duo kali lipat lobih koras.