Wahyu 18:15 - Porjanjian Boharu Torjomahan Baso Dilakng Soari-ari

¹⁵ Boko podagakng nantai inyo udah monjadi dampu obai bodagakng di kota nantai, sia' paca'an bodiritn doi' jouh obai gola' kona' siksa'annyo jam. Sia' paca'an monangis huatan bulikng.

Wahyu 18:15 ပူးပေါင်းရင်းမြစ်များ

Markus 11:17

Lalu, Sio mongajar sia'. Kato-Nyo, “Pomandiran Allah totulis dalapm Buku Suci: ‘Rumah-Ku ia'an rumah pakai' bodoa pakai' somuo banso.’ Apo kaitn monjadiannyo sama'an sayakng ponyamun!”

Kisah Boko Rasul 16:19

Boko habakng botina' nantai moniant obai sia' co paca'an mondapat'an kountukan agi' doi' pogota'an io. Obai nantai, boko habakng nantai monangkap Paulus ongko Silas, ongko mombaba' sia' duo ko boko pojabat kota di tompat potomuan umum di pasar.

Wahyu 18:12

ia'an barakng dipulah doi' omas, pira', mutiara ongko batu pormato inyo bukai; barakng doi' koitn lenan, koitn ungu, koitn sutra, ongko koitn mirah; somuo macapm barakng doi' kayu inyo harupm; barakng doi' gadikng, kayu mahal, tombago, bosi, pualam;

Wahyu 18:13

somuo macapm rorompahan, kayu manis, wangi-wangian, mur, huatan komonyan; anggur, minya', topukng dona' huatan gandupm; sapi, domba, kuda ongko koreta; pacal huatan nyao monsio.

Wahyu 18:14

Boko podagakng nantai paca'an bopandir, “Oh, Kota Babel! Udah hilakng somuo barakng mahal inyo hati kaitn kohonda'i. Somuo la'apo pan inyo mewah huatan boi' udah hilakng jam. Kolai co paca'an kalo monomuannyo agi'!”

Wahyu 18:19

Sia' monangis kapikan moabur habu di kopala' sia' sobagai tando bulikng. Kato sia', “Bonaso, bonaso kota bosar nantai. Komai somuo urakng inyo umputn kapal di lout monjadi dampu obai bodagakng barakng kolai inyo mahal. Apo kolai bonaso obai kolai udah paca'an dibonasoan dalapm so japm mo!”

Wahyu 18:3

Obai, somuo banso udah minum anggur pomporajoannyo. Boko rajo di dunia udah bulah dosa bomporajoan agatn io. Boko podagakng di dunia monjadi dampu obai napsunyo kinyo tokondalian nantai.”