Wahyu 18:13 - Porjanjian Boharu Torjomahan Baso Dilakng Soari-ari

¹³ somuo macapm rorompahan, kayu manis, wangi-wangian, mur, huatan komonyan; anggur, minya', topukng dona' huatan gandupm; sapi, domba, kuda ongko koreta; pacal huatan nyao monsio.

Wahyu 18:13 ပူးပေါင်းရင်းမြစ်များ

1 Timotius 1:10

Allah pan moonji'i Hukupm Torat pakai' mongomboi'i caro hidup boko urakng inyo tukakng bomporajoan, boko urakng bokohonda'an agatn sosamo lolaki, boko urakng inyo monjual hulutnnyo, boko urakng inyo monyampaian kosasian tumbukannyo dalapm sidakng di pongadilan, boko urakng bulah kotumbukan, huatan somuo urakng inyo bulah boko hal botontakan agatn ajaran inyo bondar.

2 Petrus 2:3

Obai boko guru palsu nantai tama', jadi sia' paca'an bousaha moncari' untukng doi' kaitn agatn boko kisah inyo dipulah-pulah sia'. Apo, Allah udah manaham siap mohukupm sia'. Kinyo manah agi' sia' tajahan bonaso.

Wahyu 18:14

Boko podagakng nantai paca'an bopandir, “Oh, Kota Babel! Udah hilakng somuo barakng mahal inyo hati kaitn kohonda'i. Somuo la'apo pan inyo mewah huatan boi' udah hilakng jam. Kolai co paca'an kalo monomuannyo agi'!”

Wahyu 18:15

Boko podagakng nantai inyo udah monjadi dampu obai bodagakng di kota nantai, sia' paca'an bodiritn doi' jouh obai gola' kona' siksa'annyo jam. Sia' paca'an monangis huatan bulikng.