Wahyu 18:12 - Porjanjian Boharu Torjomahan Baso Dilakng Soari-ari

¹² ia'an barakng dipulah doi' omas, pira', mutiara ongko batu pormato inyo bukai; barakng doi' koitn lenan, koitn ungu, koitn sutra, ongko koitn mirah; somuo macapm barakng doi' kayu inyo harupm; barakng doi' gadikng, kayu mahal, tombago, bosi, pualam;

Wahyu 18:12 ပူးပေါင်းရင်းမြစ်များ

Wahyu 17:4

Botina' nantai momakai pakai'an mahal inyo dipulah doi' koitn ungu ongko koitn mirah. Io momakai boko pohiasan doi' omas, mutiara, ongko boko batu pormato inyo bukai. Di jarinyo ado cangkir omas bisi agatn isi inyo molambakan porbuatannyo inyo jahat ongko boko dosa pomporajoan.

Wahyu 17:3

Jadi, dalapm poniant'anku inyo dionju' Roh Allah, molekat nantai mombaba' ku ko padakng pasir. Di santai, aku moniant siku' botina' dudu' di pucu' bonatakng inyo bowarna mirah tuho nantai. Dibonatakng nantai banya' tulisan inyo mongutu' Allah. Bonatakng nantai bokopala' tujuh huatan botandu' sopuluh.

Wahyu 18:15

Boko podagakng nantai inyo udah monjadi dampu obai bodagakng di kota nantai, sia' paca'an bodiritn doi' jouh obai gola' kona' siksa'annyo jam. Sia' paca'an monangis huatan bulikng.