Wahyu 18:10 - Porjanjian Boharu Torjomahan Baso Dilakng Soari-ari

¹⁰ Sia' paca'an bodiritn doi' jouh obai gola' kona' siksa'annyo jam. Kato sia', “Bonaso kota Babel inyo komai kuat! Bonaso kota bosar nantai! Obai, kolai paca'an oca' dihukupm, dalapm sojapm aja' hukupan kolai udah dilabuhan.”

Wahyu 18:10 ပူးပေါင်းရင်းမြစ်များ

Wahyu 11:8

Bangkai sia' ditinggalan ja'am di jalatn rayo kota bosar, ia'an kota di mono Tuhatn sia' disaliban. (Socaro rohani, kota bosar nantai disobut Sodom ongko Mesir.)

Wahyu 14:8

Lalu, ado molekat agi' inyo mombodapan inyo potamo. Molekat koduo nantai bopandir, “Kota Babel udah dihukupm Allah. Kota bosar nantai udah rontapam! Kota nantai udah mombulah somuo banso bukai jumpat bodosa momuasan kohonda' pakai' momporajoan.”

Wahyu 16:19

Lalu tobolaham kota bosar nantai monjadi tigo bagian huatan loloam somuo kota banso-banso inyo kinyo mongonal Allah. Jadi koingatan Allaham agatn Babel inyo bosar nantai pakai' moonji'i ko io cangkir inyo bisi anggur ponggodi-Nyo.

Wahyu 17:12

Kosopuluh tandu' bonatakng nantai inyo kolai tiat monggambaran sopuluh rajo inyo bolupm mula'i momorintah. Nononyo sia' paca'an dionji'i kuaso pakai' momorintah bosamo-samo agatn bonatakng nantai. Apo, sia' bayo paca'an momorintah somanah so japm mo.

Wahyu 18:18

Sia' paca'an moniant ansap api inyo mombonasoan kota nantai. Watu nantai, sia' paca'an mondongkakng-mondorah, “Co nyiant kota bukainyo inyo samo sama'an bosarnyo agatn kota bosar ni'in!”

Wahyu 18:19

Sia' monangis kapikan moabur habu di kopala' sia' sobagai tando bulikng. Kato sia', “Bonaso, bonaso kota bosar nantai. Komai somuo urakng inyo umputn kapal di lout monjadi dampu obai bodagakng barakng kolai inyo mahal. Apo kolai bonaso obai kolai udah paca'an dibonasoan dalapm so japm mo!”

Wahyu 18:21

Lopas nian siku' molekat inyo kuat moangkat sobigi' batu inyo kotakan bosar, sobosar batu gilikan. Sio monikapannyo ko dalapm lout. Katonyo, “Agatn caro koras sama'an ninam, kota Babel inyo bosar nantai paca'an dibonasoan. Kota Babel, kolai co paca'an kotomuan agi'.

Wahyu 18:8

Obai nantaiam, Tuhatn Allah mohakipi io. Somuo malopotako paca'an moninggakng io dalapm soari mo, ia'an io paca'an kona' poranggapan ongko bulikng huatan kolaparan. Io jam paca'an dibonasoan agatn api. Somuo nantai paca'an tojadi obai Tuhatn Allah inyo mohakipi io kotakng bokuaso.”