Wahyu 17:6 - Porjanjian Boharu Torjomahan Baso Dilakng Soari-ari

⁶ Aku moniant botina' nantai komabu'an obai minum darah boko urakng kudus, ia'an boko urakng inyo dibunuh obai sia' momboritoan mongona'i Yesus. Pas aku moniant botina' nantai, aku kotakan hiratn.

Wahyu 17:6 ပူးပေါင်းရင်းမြစ်များ

Yohanes 2:10

lalu bopandir ko io, “Biasonyo urakng mombagi anggur inyo kotakng boi' lobih doholu. Aman boko tamu' udah tokosiham minum, hoyu' urakng mombagian anggur inyo biaso. Apo kolai monyimpatn anggur inyo kotakng boi' sampai ni'in!”

Kisah Boko Rasul 22:20

Boko urakng Yahudi di si'itn pan ingant, timpu Stefanus dibunuh obai momboritoan mongona'i Duatn, aku ado di santai. Apo watu nantai, aku pan sotuju aman io dibunuh. Aku bodiritn di santai monjago jubah boko pombunuh nantai.’

Wahyu 12:11

Boko somadikan kito udah mongalahannyo agatn darah Ana' Domba nantai, huatan agatn borito inyo bondar doi' Allah inyo sia' boritoan. Sia' sanggup mongurbatan diri sia' sampai mati.

Wahyu 13:15

Io pan dionji'i kuaso pakai' mombulah lompatukng nantai monjadi hidup. Jadi, lompatukng bonatakng nantai suba' bopandir huatan mombunuh somuo urakng inyo co monyombahnyo.

Wahyu 13:7

Bonatakng nantai dionji'i jamijitn pakai' boparakng molawatn boko urakng inyo pocayo, lalu mongalahan sia'. Io dionji'i jam kuaso atas sotiap suku, sotiap negara, sotiap baso, sotiap banso.

Wahyu 16:6

Obai sia' inyo udah mombunuh boko urakng umant Allah huatan boko nabi. Jadi, ni'in Duatn momoso sia' minum darah. Cucu' sia' dihukupm sama'an nantai.”

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.