Wahyu 17:3 - Porjanjian Boharu Torjomahan Baso Dilakng Soari-ari

³ Jadi, dalapm poniant'anku inyo dionju' Roh Allah, molekat nantai mombaba' ku ko padakng pasir. Di santai, aku moniant siku' botina' dudu' di pucu' bonatakng inyo bowarna mirah tuho nantai. Dibonatakng nantai banya' tulisan inyo mongutu' Allah. Bonatakng nantai bokopala' tujuh huatan botandu' sopuluh.

Wahyu 17:3 ပူးပေါင်းရင်းမြစ်များ

Matius 27:28

Ongko sia' labuham mohanyam Sio sobagai rajo. Sia' momucul pakai'an-Nyo lalu mongona'an jubah mirah ko Sio.

Kisah Boko Rasul 8:39

Lopas jadi sia' monjouh doi' ara'i nantai, sopongirap Roh Allah mombaba'i Filipus doi' tompat nantai. Pojabat nantai kinyo moniant Filipus agi'. Ongko pojabat nantai molajuan pojalatannyo pulakng agatn hati inyo rindakng.

2 Tesalonika 2:4

Apo sobolupm io dibonasoan, io paca'an molawatn somuo hal inyo monsio anggap sobagai allah huatan somuo hal inyo disombah monsio. Io paca'an momandiran obai io lobih bokuaso doi' somuo allah nantai. Malahan, io paca'an mansu' ko dalapm Rumah Allah. Io paca'an dudu' di santai ongko moaku'i obai io nantai Allah.

Wahyu 1:10

Watu ari Tuhatn, aku dikuaso'i ulih Roh Allah. Timpu nantai, aku mondinga' saro inyo kotakan borakng samo sama'an bunyi trompet.

Wahyu 12:14

Apo botina' nantai dionji'i duo sayap burukng holakng inyo bosar oca' io ulih trobakng ko padakng pasir, ko tompat inyo udah Allah siap'an pakai'nyo. Sio ulih dikobolo di su'utn somanah tigo tohutn sotongah, jouh doi' nago nantai.

Wahyu 12:3

Lalu ado tando bukai inyo kotiat'an di langit: Wah, ado siku' nago mirah inyo bosar bondar. Nago nantai bokopala' tujuh huatan botandu' sopuluh. Di sotiap kopala'nyo ado mahkota kocit.

Wahyu 12:6

Botina' nantai rari ko padakng pasir, ko sobuah tompat inyo udah Allah siap'an pakai'nyo. Io rari ko tompat nantai oca' io ulih dikobolo di su'utn somanah soribu duo ratus onam puluh ari.

Wahyu 17:18

Nah, botina' inyo kolai tiat nantai monggambaran kota bosar nantai inyo monguaso'i dipucu' boko rajo di dunia.”

Wahyu 17:4

Botina' nantai momakai pakai'an mahal inyo dipulah doi' koitn ungu ongko koitn mirah. Io momakai boko pohiasan doi' omas, mutiara, ongko boko batu pormato inyo bukai. Di jarinyo ado cangkir omas bisi agatn isi inyo molambakan porbuatannyo inyo jahat ongko boko dosa pomporajoan.

Wahyu 18:12

ia'an barakng dipulah doi' omas, pira', mutiara ongko batu pormato inyo bukai; barakng doi' koitn lenan, koitn ungu, koitn sutra, ongko koitn mirah; somuo macapm barakng doi' kayu inyo harupm; barakng doi' gadikng, kayu mahal, tombago, bosi, pualam;

Wahyu 18:16

Kato sia', “Bonaso, bonaso kota bosar nantai. Komai kolai momakai pakai'an mahal inyo dipulah doi' koitn lenan, koitn ungu, huatan koitn mirah. Komai kolai momakai boko pohiasan doi' omas, mutiara, ongko boko bomacapm pormato bukai. Apo kolai bonaso obai somuo kodampuan nantai udah hilakng dalapm so japm mo!”

Wahyu 21:10

Jadi, Roh Allah monguaso'iku lalu molekat nantai mombaba' aku ko pucu' gunung inyo bosar huatan kotakan tinggi. Sio monunju'an ko aku kota inyo kudus nantai, ia'an Yerusalem inyo boharu. Kota nantai turutn doi' sorugo, doi' Allah.

Wahyu 4:2

Sopongirap, aku dikuaso'i ulih Roh Allah. Wah, ado sobuah tahta di sorugo. Ado siku' urakng inyo tongahan dudu' di tahta nantai.