Wahyu 17:17 - Porjanjian Boharu Torjomahan Baso Dilakng Soari-ari

¹⁷ Apo somuo nantai tojadi obai Allah monggora'an hati sia' oca' sia' molabuhan nantai. Nantai sosuai agatn hajat Allah. Sio bulah sia' bosatu sopikiran pakai' monyorahan kuaso sia' ko bonatakng nantai. Bonatakng nantai paca'an bokuaso sampai somuonyo tojadi sosuai agatn Pomandiran Allah.

Wahyu 17:17 ပူးပေါင်းရင်းမြစ်များ

Wahyu 10:7

Molekat inyo kotujuh paca'an moniup trompetnyo. Watu nantai, hajat Allah paca'an oca' diponuhi. Somuo hal inyo paca'an tojadi samo sama'an Allah udah boritoan ko boko nabi inyo molayati Sio.”

2 Korintus 8:16

Koi bosukur ko Allah obai Sio bulah hati Titus bondar-bondar honda' monulukng kaitn samo sama'an koi jam bondar-bondar honda' monulukng kaitn.

Yohanes 13:2

Jadi, watu nantai Yesus agatn boko murid-Nyo tongahan makatn malapm. (Sobolupm nantai, Rajo Sitatn udah bokorojo di dalapm hati Yudas Iskariot, ana' Simon. Rajo Sitatn mombulah oca' Yudas honda' monyorahan Yesus ko boko musuh-Nyo.)

Wahyu 17:13

Kosopuluh rajo nantai paca'an bohoupm. Sia' somuonyo paca'an monyorahan kuaso ongko kokuatan sia' ko bonatakng nantai.

Yohanes 13:18

Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Lukas 22:22

Ana' Monsio memang tajahan mati sosuai agatn caro inyo udah ditontuan Allah. Apo Allah tajahan mohukupm urakng inyo monyorahan-Nyo!”

Wahyu 15:1

Lopas nian, aku moniant somacapm tando bukai di langit. Tando nantai kotakan hebat huatan mohiratan. Ni'inan tandonyo: Ado tujuh molekat agatn tujuh malopotako toahir. Kotujuh malopotako nantai ia'an boko malopotako toahir obai lopas nantai ponggodi Allah paca'an boahir.

Yohanes 19:28

Yesus tohu obai boko pokoroja'an-Nyo udah tuntukam. Obai nantai, Sio bopandir, “Aku korahakan!” Sio mongatoan nantai oca' pomandiran inyo ditulis di Buku Suci digonapi.

Yohanes 19:24

Boko projurit nantai bopandir ko siku'-monyiku', “Jangan kito birat-birat jubah ni'in. Mara kito boundi pakai' monontuan sopo inyo mondapat'annyo.” Nantai tojadi oca' lapo inyo ditulis di Buku Suci digonapi. Bunyi tulisannyo ni'in: “Sia' mombagi-bagi pakai'an-Ku. Sia' boundi pakai' jubah-Ku.” Hal nantai inyo dilabuhan boko projurit.

Yohanes 10:35

Kito tohu obai la'apo inyo totulis dalapm Buku Suci nantai culih dibalakan. Jadi, aman sia' inyo monorima' pomandiran Allah nantai disobut boko allah,

Lukas 22:37

Obai la'apo inyo udah ditulis dalapm Buku Suci mongonaꞌi Aku gola' tojadi: ‘Io paca'an dianggap samo agatn ponjahat.’ Hal nantai tongahannyo labuham ni'in!”

Lukas 22:3

Lopas nian Rajo Sitatn momansu'i hati Yudas inyo disobut Iskariot, ia'an siku' urakng doi' koduo bolas rasul Yesus.

Wahyu 6:11

Boko urakng inyo dibunuh siku'-monyiku' dionji'i jubah putih. Sia' diboritohu pakai' torahat agatn sabar sotogal agi'. Obai ija' ado boko somadikan inyo molayati Yesus inyo paca'an dibunuh, samo sama'an sia'. Sia' gola' monanti sampai jumlah urakng nantai udah diponuhi.

Wahyu 19:9

Lalu, molekat nantai bopandir ko aku, “Tuliscam ni'in: Bahagiacam boko urakng inyo dihundakng ko pogai kawitn Ana' Domba nantai.” Molekat nantai jam bopandir ko aku, “Nantaiam boko pomandiran inyo bondar doi' Allah!”