Wahyu 17:16 - Porjanjian Boharu Torjomahan Baso Dilakng Soari-ari

¹⁶ Kosopuluh tandu' inyo kolai tiat nantai bosamo agatn bonatakng nantai paca'an bonci' agatn lahukng nantai. Sia' paca'an morampas somuo hal inyo umputnnyo huatan mongolanjakinyo. Sia' paca'an momua'i isinyo, lalu mombonasoannyo agatn api.

Wahyu 17:16 ပူးပေါင်းရင်းမြစ်များ

Wahyu 18:8

Obai nantaiam, Tuhatn Allah mohakipi io. Somuo malopotako paca'an moninggakng io dalapm soari mo, ia'an io paca'an kona' poranggapan ongko bulikng huatan kolaparan. Io jam paca'an dibonasoan agatn api. Somuo nantai paca'an tojadi obai Tuhatn Allah inyo mohakipi io kotakng bokuaso.”

Wahyu 18:19

Sia' monangis kapikan moabur habu di kopala' sia' sobagai tando bulikng. Kato sia', “Bonaso, bonaso kota bosar nantai. Komai somuo urakng inyo umputn kapal di lout monjadi dampu obai bodagakng barakng kolai inyo mahal. Apo kolai bonaso obai kolai udah paca'an dibonasoan dalapm so japm mo!”

Wahyu 19:18

Bopua' dagikng doi' somuo bangkai rajo, somuo komandatn tontara, somuo pahlawan, somuo kuda huatan boko urakng inyo monunggakngnyo. Bopua' dagikng doi' somuo urakng musuh-Nyo, inyo pacal huatan inyo merdeka, inyo pontikng huatan inyo kinyo pontikng!”

Wahyu 17:10

Kotujuh kopala' nantai pan monggambaran tujuh rajo: Lima' rajo udah jatu'. Siku' ija' momorintah sampai watu ni'in. Lalu, siku' agi' bolupm datakng. Watu rajo inyo kotujuh nantai datakng, io bayo paca'an momorintah sobontar mo.

Wahyu 16:12

Molekat koonam monumpahan mangku'nyo ko pucu' sungai Efrat inyo bosar nantai. Lalu sungai nantai monjadi rangkai oca' boko rajo doi' timur bosamo boko tontara sia' ulih maju monyorakng.

Wahyu 12:3

Lalu ado tando bukai inyo kotiat'an di langit: Wah, ado siku' nago mirah inyo bosar bondar. Nago nantai bokopala' tujuh huatan botandu' sopuluh. Di sotiap kopala'nyo ado mahkota kocit.