Wahyu 17:14 - Porjanjian Boharu Torjomahan Baso Dilakng Soari-ari

¹⁴ Sia' paca'an boparakng molawatn Ana' Domba. Apo Ana' Domba paca'an mongalahan sia', obai Sionam Tuhatn inyo bokuaso dipucu' boko tuhatn, Rajo di pucu' somuo rajo bukai. Boko urakng inyo bosamo agatn Ana' Domba paca'an monang, ia'an sia' inyo ditingkau, inyo dipilih, inyo sotia ko Sio.”

Wahyu 17:14 ပူးပေါင်းရင်းမြစ်များ

Roma 8:30

Ubo nantaiam, Allah moningkau sia' inyo udah dipilih Sio doi' komai. Sia' nantai inyo Sio tingkau, Sio pan bulah sia' monjadi bondar di pohadapan-Nyo. Sia' nantai inyo monjadi bondar, Sio pan moonji'i kohidupan inyo mulia.

1 Timotius 6:15

Yesus paca'an bobali' datakng agi' pas watu inyo ditontuan Allah. Ongkah Allah inyo monguaso'i somuo hal huatan inyo cucu' dipuji. Sio nantai Rajo inyo monguaso'i somuo rajo bukai. Sio nantai Tuhatn di pucu' somuo habakng bukai.

Matius 22:14

Lalu Yesus monuntukan kisah-Nyo nantai agatn bopandir, “Banya' urakng inyo ditingkau pakai' monjadi warga Koraja'an-Nyo, apo bayo sodikit mo inyo topilih.”

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

Wahyu 16:14

Sia' ia'an kotigo roh jahat nantai inyo mombulah boko bomacapm tando ajaib. Sia' botula' mongumpulan somuo rajo di somuo dunia pakai' boparakng watu Ari Bosar, ia'an Ari Allah Inyo Maho Kuaso mongalahan somuo la'apo pan inyo molawatn Sio.

1 Korintus 15:24

Lopas nantai ahir dunia ni'in datakng, ia'an watu Sio monyorahan Koraja'an ko Allah Bopai, lopas nantai Sio mombonasoan somuo pomorintahan, kokuasa'an ongko kokuatan.

Roma 8:37

Apo, somuonyo nantai culih mongalahan kito obai Kristus inyo mongasihi kito bulah kito bondar-bondar monang.

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Wahyu 11:7

Lopas sia' jadi monyampaian posatn doi' Allah, paca'an ado bonatakng inyo monjongal doi' Jurakng Maut. Bonatakng nantai paca'an monyorakng sia', mongalahan sia', lopasnyo mombunuh sia'.

1 Petrus 2:9

Apo kaitn nam banso inyo dipilih Allah. Kaitn nam boko urakng inyo molayati Kristus, samo sama'an boko imam molayati rajo. Kaitn nam umant husus umputn Allah, boko urakng inyo ado hubukan agatn Allah siku'. Allah momilih kaitn oca' kaitn ulih momboritoan mongona'i somuo porbuatan bosar inyo Sio labuhan, ia'an Sio inyo moningkau kaitn koluar doi' kogolapan, lalu mansu' ko dalapm torakng-Nyo inyo luar biaso. Samo sama'an inyo totulis di dalapm Buku Suci,

2 Timotius 2:4

Siku' urakng projurit inyo tongahan botugas, io kinyo momikiran pokoroja'an bukai. Aman molabuhan nantai, io monyonangan hati kopala' pasukannyo.

Yohanes 15:16

Bukainyo kaitn inyo momilih Aku, apo Akunam inyo momilih kaitn. Aku moutus kaitn oca' kaitn botula' ongko bobuah lobat, ia'an buah inyo tahatn somanah-manahnyo. Aman kaitn molabuhan nantai lalu, Bopai paca'an moonji'i kaitn lapo inyo kaitn minto doi' Sio dalapm damo-Ku.

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Roma 1:6

Kaitn inyo bodiapm di kota Roma pan sama'an sia'. Kaitn ditingkau pakai' monjadi urakng inyo husus umputn Yesus Kristus. Surat ni'in ko somuo kaitn di kota Roma inyo dikasihi Allah. Aku bodoa oca' Allah Bopai huatan Yesus Kristus, Tuhatn inyo bokuaso dipucu' kito monunju'an koboi'an-Nyo ko kaitn. Aku bodoa oca' Allah huatan Yesus, jam moonji'i sonang-asau ko kaitn.

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.