Wahyu 17:12 - Porjanjian Boharu Torjomahan Baso Dilakng Soari-ari

¹² Kosopuluh tandu' bonatakng nantai inyo kolai tiat monggambaran sopuluh rajo inyo bolupm mula'i momorintah. Nononyo sia' paca'an dionji'i kuaso pakai' momorintah bosamo-samo agatn bonatakng nantai. Apo, sia' bayo paca'an momorintah somanah so japm mo.

Wahyu 17:12 ပူးပေါင်းရင်းမြစ်များ

Wahyu 12:3

Lalu ado tando bukai inyo kotiat'an di langit: Wah, ado siku' nago mirah inyo bosar bondar. Nago nantai bokopala' tujuh huatan botandu' sopuluh. Di sotiap kopala'nyo ado mahkota kocit.

Wahyu 13:1

Lopas nian, aku moniant siku' bonatakng koluar doi' dalapm lout. Io botandu' sopuluh huatan bokopala' tujuh. Di sotiap tandu'nyo ado mahkota kocit. Di sotiap kopala'nyo totulis boko damo inyo mohanyam Allah.

Wahyu 17:16

Kosopuluh tandu' inyo kolai tiat nantai bosamo agatn bonatakng nantai paca'an bonci' agatn lahukng nantai. Sia' paca'an morampas somuo hal inyo umputnnyo huatan mongolanjakinyo. Sia' paca'an momua'i isinyo, lalu mombonasoannyo agatn api.

Wahyu 18:19

Sia' monangis kapikan moabur habu di kopala' sia' sobagai tando bulikng. Kato sia', “Bonaso, bonaso kota bosar nantai. Komai somuo urakng inyo umputn kapal di lout monjadi dampu obai bodagakng barakng kolai inyo mahal. Apo kolai bonaso obai kolai udah paca'an dibonasoan dalapm so japm mo!”

Wahyu 18:17

Somuo pongomudi kapal, somuo urakng inyo jumpat kapal, somuo ana' buah kapal, huatan somuo urakng inyo bodagakng molalu'i lout, sia' somuo paca'an bodiritn doi' jouh jam.

Wahyu 18:10

Sia' paca'an bodiritn doi' jouh obai gola' kona' siksa'annyo jam. Kato sia', “Bonaso kota Babel inyo komai kuat! Bonaso kota bosar nantai! Obai, kolai paca'an oca' dihukupm, dalapm sojapm aja' hukupan kolai udah dilabuhan.”

Wahyu 10:11

Sio bopandir ko aku, “Kolai gola' monyampaian posatn doi' Allah agi' ko banya' banso, negara, baso huatan rajo.”