Wahyu 16:9 - Porjanjian Boharu Torjomahan Baso Dilakng Soari-ari

⁹ Jadi, hangant inyo luar biaso doi' api nantai moloburan monsio. Apo sia' totap mohanyam damo Allah, inyo bokuaso di pucu' boko malopotako nantai. Sia' kinyo botongga' bodosa lalu momuji Sio.

Wahyu 16:9 ပူးပေါင်းရင်းမြစ်များ

Wahyu 16:21

Hujatn es bosar jatu' doi' langit moninggakng monsio. Sotiap batu es nantai hampir lima' puluh kilu. Jadi, monsio mongutu' Allah obai malopotako hujatn es nantai kotakan nontu.

Wahyu 11:13

Watu nantai pan ado gompa bumi inyo bosar. Soporsopuluh doi' kota nantai robah. Tujuh ribu urakng mati. Somuo urakng bukai monjadi kotakng gola' lalu momuji Allah di sorugo.

Wahyu 2:21

Aku udah moonju' botina' nantai watu pakai' moninggalan boko dosanyo. Apo, io co honda' botongga' bulah dosa bomporajoan.

Lukas 13:5

Pomikiran kaitn nantai kotakng kinyo bondar. Dinga'anbo aman kaitn co botongga' bulah dosa huatan co hidup monyonangan hati Allah, kaitn tajahan bonaso ubo sia' jam.”

Lukas 13:3

Pomikiran kaitn nantai kotakng kinyo bondar. Dinga'anbo aman kaitn co tongga' bulah dosa huatan co hidup monyonangan Allah, kaitn tajahan bonaso ubo sia' jam.

Wahyu 14:7

Molekat nantai bopandir agatn saro borakng. Katonyo, “Hormaticam Allah. Pujicam Sio! Obai, sampaiam watunyo pakai' Allah mohakipi somuo urakng. Sombahcam Sio inyo mombulah langit, bumi, lout huatan somuo mato ara'i.”

Wahyu 9:20

Apo boko urakng bukai, inyo co mati ulih boncana nantai, sia' totap co honda' botongga' monyombah boko lompatukng inyo sia' pulah agatn jarinyo sikuꞌ. Sia' totap monyombah boko roh jahat huatan boko berhala inyo dipulah doi' omas, pira', tombago, batu, kayu; ia'an boko berhala inyo co ulih moniant huatan mondinga' huatan bojalatn.

2 Korintus 12:21

Aku bogonang watu ku datakng agi', Allahku paca'an bulah ku malu di hadapan kaitn. Aku paca'an monangis salu' obai banya' urakng di antaro kaitn ija' hidup dalapm dosa. Sia' bolupm moninggalan boko hal inyo kotor, boko hal kinyo sonunuh, bokohonda' kinyo patut.