Wahyu 16:6 - Porjanjian Boharu Torjomahan Baso Dilakng Soari-ari

⁶ Obai sia' inyo udah mombunuh boko urakng umant Allah huatan boko nabi. Jadi, ni'in Duatn momoso sia' minum darah. Cucu' sia' dihukupm sama'an nantai.”

Wahyu 16:6 ပူးပေါင်းရင်းမြစ်များ

Matius 7:2

Obai sama'an apo kaitn mohakipi urakng bukai, ubo nian jam Allah paca'an mohakipi kaitn. Ukuran inyo kaitn pakai pakai' moukur urakng bukai, Allah paca'an momakai ukuran inyo sama'an nantai jam pakai' moukur kaitn.

Lukas 12:48

Apo hulutn inyo kinyo mongotohu'i kohonda' habakngnyo, aman io molabuhan lou' inyo salah sampai gola' dihukupm, apo hukupan io kinyo borat. Aman Allah moonji'i banya' ko siku' urakng, Sio pan paca'an monuntut banya' doi' urakng nantai. Aman Allah moonji'i banyaꞌ tanggukng-jawab ko siku' urakng, Sio pan paca'an monuntut lobih banyaꞌ agi' doi' urakng nantai.”

Ibrani 10:29

Jadi, urakng inyo kinyo morogo'i Ana' Allah cucu' dihukupm lobih borat agi'. Urakng nantai moremehan darah Yesus inyo mombulah io monjadi borosih doi' dosanyo, ia'an darah Yesus inyo monsahan pojanjian boharu doi' Allah. Urakng nantai mohayam Roh Allah inyo monunju'an kasih karunia.

Wahyu 11:18

Somuo banso udah godi. Apo ni'in ponggodi Duatn udah datakam. Watunyo udah datakng pakai' mohakipi boko urakng mati. Watunyo udah datakng pakai' moonji'i upah ko boko nabi inyo molayati Duatn, ko boko urakng pocayo, somuo sia' inyo mohormati Duatn, boko urakng inyo pontikng huatan co pontikng. Watunyo udah datakng pakai' mombonasoan boko urakng inyo mombonasoan bumi.”

Wahyu 13:10

Sotiap urakng inyo ditontuan Allah pakai' monjadi tawatan, pasti paca'an monjadi tawatan. Sotiap urakng inyo ditontuan pakai' dibunuh agatn podakng, pasti paca'an dibunuh agatn podakng. Jadi, boko urakng inyo pocayo gola' botahatn mohadapi nantai. Sia' gola' pocayo ko Yesus agatn sotia.

Wahyu 13:15

Io pan dionji'i kuaso pakai' mombulah lompatukng nantai monjadi hidup. Jadi, lompatukng bonatakng nantai suba' bopandir huatan mombunuh somuo urakng inyo co monyombahnyo.

Wahyu 18:20

(Ui kaitn somuo di sorugo! Sonang-nyamancam! Ui kaitn boko urakng kudus, boko rasul, huatan boko nabi! Sonang-nyamancam! Obai, Allah udah mohukupm kota nantai sosuai agatn porbuatannyo inyo jahat agatn kaitn).

Wahyu 18:24

(Kota nantai dihukupm obai io mombunuh boko nabi huatan boko urakng umant husus umputn Allah. Darah sia' huatan darah doi' somuo urakng inyo dibunuh di bumi kotomuan di dalapm io.)

Wahyu 19:2

Pujicam Sio obai Sio mohakipi agatn bondar huatan adil. Sio udah mohukupm kota inyo bosar nantai. Kota nantai samo sama'an lahukng inyo morusa'an dunia agatn dosa bomporajoan. Lahukng nantai jam mombunuh boko urakng inyo molayati Allah agatn jarinyo siku'. Apo, Allah udah mohukupm io pakai' mombalas porbuatan jahat nantai.”