Wahyu 16:2 - Porjanjian Boharu Torjomahan Baso Dilakng Soari-ari

² Jadi, molekat potamo botula' monumpahan mangku'nyo ko pucu' bumi. Lalu, somuo urakng inyo ado tando bonatakng nantai, boko urakng inyo monyombah patukngnyo, somuo sia' hontapm boko bongka' inyo kotakng buru' huatan podih.

Wahyu 16:2 ပူးပေါင်းရင်းမြစ်များ

Wahyu 8:7

Molekat inyo potamo moniup trompetnyo. Watu nantai, hujatn es agatn hujatn api, bocampur darah jatu' ko bumi. Ongko, soportigo bumi habis kocuculan, soportigo doi' boko tontanaman huatan somuo rumput hijau habis kocuculan jam.

Wahyu 16:11

Sia' mohanyam Allah di sorugo obai kompodihan hontapm boko bongka'. Apo sia' totap kinyo honda' botongga' bulah kojahatan.

Kisah Boko Rasul 12:23

Herodes monjadi kotakan buhau huatan co mohormati Allah. Obai nantai, lansukng ado molekat doi' Allah inyo bulah io sakit kuat. Porutnyo dipua'i boko cacikng. Co manah lopas nantai, io mati.

Wahyu 14:16

Lalu, Sio inyo dudu' di pucu' awatn nantai monota' agatn sabit-Nyo. Jadi hasil di bumi dihanyi.

Wahyu 13:12

Io bodapat somuo kuaso doi' bonatakng inyo potamo huatan momakai kuasonyo nantai di pohadapan bonatakng inyo potamo nantai. Io mombulah somuo urakng di bumi pakai' monyombah bonatakng potamo, bonatakng nantai inyo udah nyamanam doi' luko parahnyo.

Wahyu 14:9

Lalu, ado molekat agi' inyo mombodapan koduo molekat sobolupmnyo. Molekat kotigo nantai bopandir agatn saro borakng. Katonyo, “Somuo urakng inyo monyombah bonatakng huatan lompatukngnyo nantai, inyo monorima' tando bonatakng nantai di koning huatan longannyo,

Wahyu 16:1

Lopas nian, aku mondinga' saro borakng doi' Rumah Allah inyo bopandir ko kotujuh molekat nantai. Katonyo, “Botula'cam, tumpahancam kotujuh mangku' ponggodi Allah nantai ko pucu' bumi!”