Wahyu 16:19 - Porjanjian Boharu Torjomahan Baso Dilakng Soari-ari

¹⁹ Lalu tobolaham kota bosar nantai monjadi tigo bagian huatan loloam somuo kota banso-banso inyo kinyo mongonal Allah. Jadi koingatan Allaham agatn Babel inyo bosar nantai pakai' moonji'i ko io cangkir inyo bisi anggur ponggodi-Nyo.

Wahyu 16:19 ပူးပေါင်းရင်းမြစ်များ

Wahyu 11:8

Bangkai sia' ditinggalan ja'am di jalatn rayo kota bosar, ia'an kota di mono Tuhatn sia' disaliban. (Socaro rohani, kota bosar nantai disobut Sodom ongko Mesir.)

Wahyu 17:1

Lopas nian, datakam salah siku' doi' kotujuh molekat inyo monjujut tujuh mangku' nantai. Io bopandir ko aku, “Mara! Aku paca'an monunju'an ko kolai hukupan inyo paca'an tojadi ko lahukng tokonal inyo dudu' di tompat agatn banya' ara'i.

Wahyu 17:18

Nah, botina' inyo kolai tiat nantai monggambaran kota bosar nantai inyo monguaso'i dipucu' boko rajo di dunia.”

Wahyu 17:5

Di koningnyo totulis damo rahasia, ia'an: “Kota Babel inyo bosar. Indai doi' somuo lahukng. Indai somuo porbuatan inyo jahat di dunia.”

Wahyu 18:10

Sia' paca'an bodiritn doi' jouh obai gola' kona' siksa'annyo jam. Kato sia', “Bonaso kota Babel inyo komai kuat! Bonaso kota bosar nantai! Obai, kolai paca'an oca' dihukupm, dalapm sojapm aja' hukupan kolai udah dilabuhan.”

Wahyu 18:2

Molekat nantai mondongkakng-mondorah agatn saro kotakng borakng. Katonyo, “Kota Babel udah rontap! Kota bosar nantai udah rontap! Kota nantai udah monjadi sayakng pakai' boko roh jahat, tompat pontapuan boko roh campah tompat pontapuan somuo burukng campah huatan kobonci' urakng.

Wahyu 18:21

Lopas nian siku' molekat inyo kuat moangkat sobigi' batu inyo kotakan bosar, sobosar batu gilikan. Sio monikapannyo ko dalapm lout. Katonyo, “Agatn caro koras sama'an ninam, kota Babel inyo bosar nantai paca'an dibonasoan. Kota Babel, kolai co paca'an kotomuan agi'.

Wahyu 18:5

Somuo dosanyo udah botumpu'-tumpu' sampai ko langit. Jadi, Allah moingant pakai' mohukupm io obai boko porbuatannyo inyo jahat.