Wahyu 16:14 - Porjanjian Boharu Torjomahan Baso Dilakng Soari-ari

¹⁴ Sia' ia'an kotigo roh jahat nantai inyo mombulah boko bomacapm tando ajaib. Sia' botula' mongumpulan somuo rajo di somuo dunia pakai' boparakng watu Ari Bosar, ia'an Ari Allah Inyo Maho Kuaso mongalahan somuo la'apo pan inyo molawatn Sio.

Wahyu 16:14 ပူးပေါင်းရင်းမြစ်များ

Matius 24:14

Kabar Boi' mongona'i Koraja'an Allah paca'an diboritoan di soluruh dunia oca' somuo urakng mondinga'nyo. Lopas nian, hoyu' datakng ahir joman.”

Matius 24:24

Obai paca'an ado boko urakng datakng inyo mongaku' obai dirinyo nianam Rajo Inyo Dijanjian Allah. Apo sia' co bondar. Paca'an ado boko nabi palsu jam. Boko rajo palsu huatan boko nabi palsu nantai paca'an bulah bomacapm mujisat jam. Tujuan sia' oca' monyosat'an somuo urakng, huatan soandainyo mungkitn tomansu' boko urakng inyo dipilih Allah jam.

Markus 13:22

Obai, tajahan ado boko urakng datakng inyo ngaku' dirinyo nantai Rajo Inyo Dijanjian Allah. Apo sia' kinyo bondar. Tajahan ado boko nabi palsu jam. Boko rajo palsu agatn boko nabi palsu nantai tajahan mombulah somuo macapm mujisat pakai' mombulah urakng monjadi sosat. Soumpamonyo mungkitn sia' pan honda' mombulah boko urakng inyo dipilih Allah monjadi sosat jam.

Lukas 2:1

Timpu nantai Kaisar inyo bodamoan Agustus, rajo inyo kotakan bokuaso di Roma mongoluaran porintah, monyiuh mondaptaran boko urakng di soluruh korajaan-nyo.

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Roma 1:8

Potamo-tamo, aku moucap sukur ko Allah molalu'i Yesus Kristus pakai' kaitn somuo. Obai, urakng di mono-mono di soluruh dunia mondinga' obai kaitn pocayo ko Yesus.

2 Tesalonika 2:9

Apo sobolupm Yesus bobali', Rajo inyo kotakng jahat nantai paca'an datakng agatn kuaso Rajo Sitatn. Io paca'an molabuhan somuo macapm mujisat inyo palsu huatan boko tando inyo palsu.

1 Timotius 4:1

Ingantcam Roh Allah udah mongatoan agatn togas obai paca'an ado boko urakng inyo paca'an co pocayo agi' ko Yesus. Sia' paca'an pocayo ko boko urakng inyo mongajar boko ajaran inyo salah. Boko ajaran nantai doi' boko roh jahat.

Yakobus 3:15

‘Hikmat’ sia' nantai bukainyo hikmat doi' Allah. ‘Hikmat’ sia' nantai doi' dunia, doi' napsu monsio huatan doi' roh jahat.

1 Yohanes 5:19

Kito tohu obai kito boasal doi' Allah. Apo somuo urakng di dunia sia' ado di babah kuaso Rajo Sitatn inyo jahat.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Wahyu 13:3

Suti' doi' kotujuh kopala' bonatakng nantai kotiat'annyo sama'an kalo kona' luko. Luko nantai cukup parah pakai' mombulah io mati, apo nyatonyo udah nyamanam. Jadi, somuo urakng di dunia hiratn, lalu tuyut bonatakng nantai.

Wahyu 16:7

Lalu aku mondinga' saro doi' mesbah bopandir, “Oi, Tuhatn Allah inyo Maho Kuaso. Duatn mohakipi urakng agatn bondar huatan adil.”

Wahyu 17:14

Sia' paca'an boparakng molawatn Ana' Domba. Apo Ana' Domba paca'an mongalahan sia', obai Sionam Tuhatn inyo bokuaso dipucu' boko tuhatn, Rajo di pucu' somuo rajo bukai. Boko urakng inyo bosamo agatn Ana' Domba paca'an monang, ia'an sia' inyo ditingkau, inyo dipilih, inyo sotia ko Sio.”

Wahyu 20:8

Io paca'an botula' ko soluruh dunia, monipu boko banso, ia'an Gog huatan Magog. Rajo Sitatn mongumpulan sia' pakai' boparakng molawatn boko urakng inyo pocayo. Jumlah sia' kotakan banya' sama'an pasir di lout.

Wahyu 3:10

Kaitn udah monaati porintah-Ku pakai' botahatn dalapm mohadapi ajab sonsaro. Obai niannam, Aku paca'an molinduki kaitn doi' masa kosusahan inyo paca'an monimpa soluruh dunia. Hal nantai tojadi pakai' mouji somuo monsio inyo bodiapm di bumi.

Wahyu 6:17

Ombakan koi cam obai Ari Ponghakipan Allah ongko Ana' Domba udah datakam. Conyiant inyo ulih botahatn!”