Wahyu 16:11 - Porjanjian Boharu Torjomahan Baso Dilakng Soari-ari

¹¹ Sia' mohanyam Allah di sorugo obai kompodihan hontapm boko bongka'. Apo sia' totap kinyo honda' botongga' bulah kojahatan.

Wahyu 16:11 ပူးပေါင်းရင်းမြစ်များ

2 Timotius 3:13

Sodakan boko urakng jahat huatan boko urakng inyo hala tumbukan, sia' paca'an mongkitn jahat. Sia' monyosat'an urakng bukai. Urakng bukai pan monyosat'an sia'.

Wahyu 11:13

Watu nantai pan ado gompa bumi inyo bosar. Soporsopuluh doi' kota nantai robah. Tujuh ribu urakng mati. Somuo urakng bukai monjadi kotakng gola' lalu momuji Allah di sorugo.

Wahyu 16:2

Jadi, molekat potamo botula' monumpahan mangku'nyo ko pucu' bumi. Lalu, somuo urakng inyo ado tando bonatakng nantai, boko urakng inyo monyombah patukngnyo, somuo sia' hontapm boko bongka' inyo kotakng buru' huatan podih.

Wahyu 16:21

Hujatn es bosar jatu' doi' langit moninggakng monsio. Sotiap batu es nantai hampir lima' puluh kilu. Jadi, monsio mongutu' Allah obai malopotako hujatn es nantai kotakan nontu.

Wahyu 16:9

Jadi, hangant inyo luar biaso doi' api nantai moloburan monsio. Apo sia' totap mohanyam damo Allah, inyo bokuaso di pucu' boko malopotako nantai. Sia' kinyo botongga' bodosa lalu momuji Sio.

Wahyu 2:21

Aku udah moonju' botina' nantai watu pakai' moninggalan boko dosanyo. Apo, io co honda' botongga' bulah dosa bomporajoan.