Wahyu 16:10 - Porjanjian Boharu Torjomahan Baso Dilakng Soari-ari

¹⁰ Molekat kolima' monumpahan mangku'nyo ko pucu' tahta bonatakng nantai. Jadi, koraja'an bonatakng nantai monjadi potakng. Boko urakng mongotap lidah sia' obai mooso kompodihan.

Wahyu 16:10 ပူးပေါင်းရင်းမြစ်များ

Matius 13:42

lalu mombuakan sia' ko dalapm api noraka. Di santai sia' paca'an monangis ongko bokorit gigi obai kotakan mondorita'.

Matius 13:50

Boko molekat paca'an mombuakan urakng inyo jahat ko dalapm api noraka. Di santai sia' paca'an monangis ongko bokorit gigi obai kotakan mondorita'.”

Matius 22:13

Lalu, rajo nantai bopandir ko boko hulutnnyo, ‘Kobat kaki huatan longan urakng ni'in. Buakancam io ko tompat inyo kotakan potakng. Somuo urakng di santai paca'an monangis ongko bokorit gigi obai kotakan mondorita'.’ ”

Matius 24:51

Pasti habakngnyo nantai paca'an mombunuh hulutn nantai, lalu ditikapannyo ko tompat hukupan pakai' somuo urakng inyo pompadah boi' nantai. Di siatan sia' paca'an monangis ongko bokorit gigi obai kotakan ajab sonsaro.”

Matius 8:12

Apo soharusnyo urakng inyo mansu' ko dalapm Koraja'an nantai paca'an dibuakan ko noraka. Di santai sia' paca'an monangis huatan gorit'an gigi obai kotakng ajab sonsaro.”

Lukas 13:28

Watu nian, kaitn tajahan moniant angki-bayatn kaitn Abrahapm, Ishak, ongko Yakub huatan somuo nabi di dalapm Koraja'an Allah di sorugo, apo kaitn paca'an ditikapan ko noraka. Di santai kaitn tajahan monangis huatan monggorit'an gigi obai kotakng ajab sonsaro.

1 Petrus 2:17

Hormati cam somuo urakng, kasihi cam boko somadikan kaitn inyo sosamo pocayo, gola' cam agatn Allah, ongko hormati jam rajo.

Wahyu 11:10

Somanah koduo nabi nantai ija' hidup, sia' duo bulah boko urakng di bumi kotakng ajab sonsaro. Obai nantai, boko urakng di bumi kotakng rindakng obai komatian sia'. Boko urakng bopogai, huatan sosamo bokiripm hadiah pakai' morayaan poristiwa nantai.

Wahyu 11:2

Apo jangan moukur tongahlamanan Rumah Allah inyo di sopia' luar. Obai, tongahlamanan nantai udah dionju' ko boko banso bukai. Sia' paca'an monguaso'i Kota Inyo Suci nantai somanah ompat puluh duo bulatn.

Wahyu 11:8

Bangkai sia' ditinggalan ja'am di jalatn rayo kota bosar, ia'an kota di mono Tuhatn sia' disaliban. (Socaro rohani, kota bosar nantai disobut Sodom ongko Mesir.)

Wahyu 17:17

Apo somuo nantai tojadi obai Allah monggora'an hati sia' oca' sia' molabuhan nantai. Nantai sosuai agatn hajat Allah. Sio bulah sia' bosatu sopikiran pakai' monyorahan kuaso sia' ko bonatakng nantai. Bonatakng nantai paca'an bokuaso sampai somuonyo tojadi sosuai agatn Pomandiran Allah.

Wahyu 17:9

Aman honda' mongoroti, gola' bopikir agatn bijaksana. Kotujuh kopala' bonatakng nantaiam monggambaran tujuh bukit, ia'an boko bukit tompat botina' nantai dudu'.

Wahyu 18:2

Molekat nantai mondongkakng-mondorah agatn saro kotakng borakng. Katonyo, “Kota Babel udah rontap! Kota bosar nantai udah rontap! Kota nantai udah monjadi sayakng pakai' boko roh jahat, tompat pontapuan boko roh campah tompat pontapuan somuo burukng campah huatan kobonci' urakng.

Wahyu 18:21

Lopas nian siku' molekat inyo kuat moangkat sobigi' batu inyo kotakan bosar, sobosar batu gilikan. Sio monikapannyo ko dalapm lout. Katonyo, “Agatn caro koras sama'an ninam, kota Babel inyo bosar nantai paca'an dibonasoan. Kota Babel, kolai co paca'an kotomuan agi'.

Wahyu 18:23

Randai pompolitoan co paca'an borandai agi' di dalapm kolai. Saro rindakng-ramai doi' mompelai lolaki ongko pongantitn botina' co paca'an kodinga'an agi' di dalapm kolai. Obai boko podagakng kolai ia'an boko urakng pontikng di dunia. Kolai jam monipu somuo banso agatn ilmu sihir kolai.”

Wahyu 8:12

Molekat inyo koompat moniup trompetnyo. Watu nantai, ado lou' inyo moninggakng morusa' soportigo matoari, soportigo bulatn agatn soportigo boko bintakng huatan soportigonyo monjadi potakng. Soportigo siakng arinyo monjadi potakng. Ubo nian jam, somanah soportigo malapm arinyo monjadi potakng.

Wahyu 9:2

Sio mombuka' lawakng lubakng jurakng maut nantai. Lalu, ansap noi' doi' lubakng nantai sama'an ansap doi' podopuran api inyo bosar. Ansap inyo koluar doi' lubakng nantai kotakng tobal sampai matoari huatan langit monjadi potakng.