Wahyu 16:1 - Porjanjian Boharu Torjomahan Baso Dilakng Soari-ari

¹ Lopas nian, aku mondinga' saro borakng doi' Rumah Allah inyo bopandir ko kotujuh molekat nantai. Katonyo, “Botula'cam, tumpahancam kotujuh mangku' ponggodi Allah nantai ko pucu' bumi!”

Wahyu 16:1 ပူးပေါင်းရင်းမြစ်များ

Wahyu 15:1

Lopas nian, aku moniant somacapm tando bukai di langit. Tando nantai kotakan hebat huatan mohiratan. Ni'inan tandonyo: Ado tujuh molekat agatn tujuh malopotako toahir. Kotujuh malopotako nantai ia'an boko malopotako toahir obai lopas nantai ponggodi Allah paca'an boahir.

Wahyu 16:17

Molekat kotujuh monumpahan mangku'nyo ko awakng-awakng. Lalu ado saro borakng doi' dalapm Rumah Allah, doi' tahta nantai. Kato-Nyo, “Somuonyo udah jadiam!”

Wahyu 14:18

Siku' molekat inyo bukai agi' datakng doi' mesbah. Molekat nantai bokuaso ko api. Sio bopandir agatn saro borakng ko molekat inyo monjujut sabit tajapm nantai. Katonyo, “Pakaicam sabit kolai pakai' monota' somuo buah doi' batakng anggur di bumi. Obai buah anggur nantai udah mansa'am.”

Wahyu 14:15

Lalu ado molekat bukai inyo koluar doi' Rumah Allah. Sio bopandir agatn saro borakng ko Sio inyo dudu' di pucu' awatn nantai. Kato molekat nantai, “Tota'cam agatn sabit kolai pakai' mohanyi di bumi. Obai udah watunyo pakai' mongumpulan hasil hanyian doi' bumi. Hasil nantai udah mansa'am.”

Wahyu 11:19

Lalu, tobuka'am Rumah Allah di sorugo. Poti Pojanjian Allah ulih ditiat di dalapm Rumah Allah nantai. Lalu, ado solitar, saro guntur inyo borakng, gompa bumi huatan hujatn es inyo lobat.