Wahyu 15:2 - Porjanjian Boharu Torjomahan Baso Dilakng Soari-ari

² Lalu aku moniant lou' sama'an loutan kaco bocampur api. Aku moniant jam boko urakng inyo udah monang doi' bonatakng huatan patukngnyo ongko monang doi' urakng inyo damonyo dilambakan agatn angka'. Boko urakng nantai bodiritn di pinggir loutan kaco nantai. Sia' siku'-monyiku' ado kocapi inyo dionju' Allah ko sia'.

Wahyu 15:2 ပူးပေါင်းရင်းမြစ်များ

Wahyu 4:6

Di pohadapan tahta nantai jam ado lou' sama'an lout kaco, putih torus sama'an kristal. Di sokolilikng tahta nantai, sotiap pinggirnyo, ado ompat mahluk. Sotiap mahluk nantai bomato banya', di pohadapan ongko bolikat.

Wahyu 12:11

Boko somadikan kito udah mongalahannyo agatn darah Ana' Domba nantai, huatan agatn borito inyo bondar doi' Allah inyo sia' boritoan. Sia' sanggup mongurbatan diri sia' sampai mati.

Wahyu 5:8

Pas Sio monguti' gulukan buku nantai, koompat mahluk ongko koduo puluh ompat pomimpitn nantai lansukng tundu' monyungkapan di hadapan Ana' Domba nantai. Sia' siku'-monyiku' monjujut kocapi. Somuo sia' pan ado cangkir omas inyo boisi komonyan. Nantaiam somuo doa urakng inyo pocayo.

Wahyu 21:18

Dindikng nantai dipulah doi' batu pormato yaspis. Sodakan kota nantai dipulah doi' omas murni, samo sama'an kaco inyo putih torus.

1 Petrus 1:7

Tujuan doi' somuo kosusahan nantai ia'an pakai' mombutian aman kaitn bondar-bondar pocayo ko Tuhatn kata'an cadoai. Kopocaya'an kaitn nantai lobih borogo daripado omas. Biar pan kinyo tahatn somanahnyo, omas pan diuji agatn api pakai' mombutian aman omas nian murni kata'an cado. Jadi, kopocaya'an kaitn pan diuji jam. Agatn ubo nantai, aman kaitn bobondar pocayo, nononyo kaitn tajahannyo dipuji, dimuliaan, ongko dihormati, nantai tajahannyo tojadi watu Yesus Kristus datakng agi' monyatoan diri-Nyo.

Matius 3:11

Ado Urakng inyo paca'an datakng lopas aku. Sio lobih bokuaso daripadoku. Malahan monjadi hulutn-Nyo inyo palikng babah pan, aku kinyo cucu'. Aku mombaptis urakng agatn ara'i pakai' monunju'an obai sia' udah botongga' bulah dosa huatan monyonangan hati Allah. Apo Sio paca'an mombaptis urakng agatn Roh Allah ongko api.

Wahyu 13:14

Io mombulah boko tando nantai di pohadapan mato bonatakng inyo potamo. Agatn boko tando nantai, io monyosat'an boko urakng inyo bodiapm di bumi. Io monyiuh sia' pakai' moninjakan lompatukng dalapm rupo bonatakng inyo potamo, bonatakng inyo udah diluko'i podakng apo hidup.

1 Petrus 4:12

Boko somadikan inyo tokasih! Kaitn moalapi pondorita'an pakai' mouji iman kaitn bobondar pocayo agatn Yesus kata'an cadoai. Jadi, jangan kaitn hiratn ubonyo ado sosuatu inyo luar biaso tojadi agatn kaitn.

Wahyu 13:1

Lopas nian, aku moniant siku' bonatakng koluar doi' dalapm lout. Io botandu' sopuluh huatan bokopala' tujuh. Di sotiap tandu'nyo ado mahkota kocit. Di sotiap kopala'nyo totulis boko damo inyo mohanyam Allah.

Wahyu 13:17

Kinyo ado urakng inyo suba' momboli damo monjual la'apo pan aman io co ado tando nantai, ia'an damo bonatakng potamo nantai damo angka' inyo molambakan damo bonatakng nantai.