Wahyu 15:1 - Porjanjian Boharu Torjomahan Baso Dilakng Soari-ari

¹ Lopas nian, aku moniant somacapm tando bukai di langit. Tando nantai kotakan hebat huatan mohiratan. Ni'inan tandonyo: Ado tujuh molekat agatn tujuh malopotako toahir. Kotujuh malopotako nantai ia'an boko malopotako toahir obai lopas nantai ponggodi Allah paca'an boahir.

Wahyu 15:1 ပူးပေါင်းရင်းမြစ်များ

Wahyu 21:9

Lopas nian, ado salah siku' doi' kotujuh molekat inyo monjujut mangku' inyo bisi agatn kotujuh malopotako toahir nantai. Sio datakng ko aku, lalu bopandir, “Mara! Aku paca'an monunju'an ko kolai Pongantitn Botina', bini Ana' Domba.”

Wahyu 19:15

Sio ado podakng tajapm inyo koluar doi' nyao-Nyo. Agatn podakng nantai, Sio paca'an mongalahan boko banso. Sio paca'an momorintah sia' agatn tungkah bosi. Sio inyo paca'an momoyah anggurnyo di dalapm tompat pomoyahan anggur nantai, ia'an tompat inyo molambakan ponggodi Allah Inyo Maho Kuaso.

Wahyu 16:1

Lopas nian, aku mondinga' saro borakng doi' Rumah Allah inyo bopandir ko kotujuh molekat nantai. Katonyo, “Botula'cam, tumpahancam kotujuh mangku' ponggodi Allah nantai ko pucu' bumi!”

Wahyu 14:19

Jadi, molekat nantai momakai sabitnyo pakai' monota' boko buah anggur doi' batakngnyo. Lalu, io monikapan boko buah nantai ko dalapm tompat inyo bosar pakai' momoyah anggur, ia'an tompat inyo molambakan ponggodi Allah.

Wahyu 14:10

somuo urakng nantai paca'an dihukupm borat kinyo kurakng. Samo sama'an sia' minum anggur inyo molambakan ponggodi Allah. Anggur nantai kotakng koras, co dicampur agatn ara'i dalapm cangkir Allah. Sia' paca'an disiksa dalapm api huatan bolerang di pohadapan mato boko molekat Allah huatan di pohadapan mato Ana' Domba.

Wahyu 11:14

Nantaiam boncana inyo koduo inyo diumuman burukng holakng tontai. Apo boncana kotigo paca'an hagar datakng.

Wahyu 10:3

Sio mondorah agatn saro borakng samo sama'an singa inyo mondorah. Lopas nantai, kotujuh guntur bopandir agatn saronyo.

Wahyu 8:6

Lopas nantai, kotujuh molekat inyo monjujut kotujuh trompet bososiap pakai' moniup trompet sia'.

Wahyu 8:13

Lopas nian, aku moniant siku' burukng holakng trobakng tinggi di langit. Aku mondinga' io bopandir agatn saro borakng, “Bonaso! Bonaso! Bonasoam boko sia' inyo hidup di bumi. Obai ija' ado tigo molekat inyo paca'an moniup trompet sia'.”

Wahyu 8:2

Lopas nian, aku moniant kotujuh molekat inyo bodiritn di hadapan Allah. Sia' dionji'i tujuh trompet.

Wahyu 9:20

Apo boko urakng bukai, inyo co mati ulih boncana nantai, sia' totap co honda' botongga' monyombah boko lompatukng inyo sia' pulah agatn jarinyo sikuꞌ. Sia' totap monyombah boko roh jahat huatan boko berhala inyo dipulah doi' omas, pira', tombago, batu, kayu; ia'an boko berhala inyo co ulih moniant huatan mondinga' huatan bojalatn.

Wahyu 17:1

Lopas nian, datakam salah siku' doi' kotujuh molekat inyo monjujut tujuh mangku' nantai. Io bopandir ko aku, “Mara! Aku paca'an monunju'an ko kolai hukupan inyo paca'an tojadi ko lahukng tokonal inyo dudu' di tompat agatn banya' ara'i.