Wahyu 14:14 - Porjanjian Boharu Torjomahan Baso Dilakng Soari-ari

¹⁴ Lopas nian, aku moniant, ih, ado awatn putih. Inyo dudu' di pucu' awatn putih nantai ia'an siku' urakng sama'an ‘Ana' Monsio’. Sio ado mahkota omas di kopala'-Nyo huatan sobilah sabit inyo tajapm di jari-Nyo.

Wahyu 14:14 ပူးပေါင်းရင်းမြစ်များ

Matius 13:30

Biaram gandupm ongko solalakng nantai tumbuh sosamo sampai watu mohanyi. Timpu nantaiam, aku paca'an bopandir ko boko urakng inyo bohanyi: Kumpulan ja'am somuo solalakng nantai. Lalu dikobat solalakng nantai pakai' dicucul. Lopas nian hoyu' mongumpulan somuo gandupm nantai ko dalapm jurukngku.’ ”

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Markus 4:29

Aman buahnyo udah mansa', urakng nantai mohanyinyo obai udah watunyo pakai' dihanyi.”

Lukas 21:27

Timpu nantai, urakng paca'an moniant Ana' Monsio paca'an datakng bobali' ko dunia ni'in, turutn doi' sorugo di pucu' awatn. Io paca'an bocohayo torakng. Io paca'an kotakan bokuaso.

Ibrani 2:9

Apo kito tiat Yesus bokuaso. Kinyo manah Allah mombulah Sio monjadi monsio inyo ‘lobih babah doi' boko molekat’. Ongko watu ni'in Sio udah ‘monjadi mulia ongko tohormat’ obai Sio mondorita' sampai mati pakai' somuo monsio. Nantai tojadi obai kasih karunia Allah.

Wahyu 1:13

Di tongah-tongah boko tihakng pompolitoan nantai, ado siku' urakng inyo kotiat'annyo ubo ‘Ana' Monsio’. Sio momakai jubah inyo panjakngnyo sampai ko kaki. Huatan di dado-Nyo ado pongobat punggukng doi' omas.

Wahyu 1:7

Porotiancam! Sio datakng di antaro boko awatn! Somuo urakng paca'an moniant Sio, tomansu' sia' inyo udah monuhu' Sio. Somuo banso di bumi paca'an monangis obai Sio. Au, pasti ni'in tajahan tojadi! Amin!

Wahyu 10:1

Lopas nian, aku moniant sikuꞌ molekat bukai inyo kuat. Io turutn doi' sorugo di tutupi awatn. Ado siandakng di pucu' kopala'nyo. Mato-muhonyo bosinar sama'an matoari. Kakinyo sama'an tihakng api.

Wahyu 11:17

Kato sia', “Tuhatn Allah inyo Maho Kuaso, inyo ado ni'in huatan inyo udah ado doi' komainyo. Koi botorima' kasih ko Duatn. Obai Duatn momakai kuaso Duatn inyo bosar huatan udah mula'i momorintah.

Wahyu 19:12

Mato-Nyo sama'an api tongahan bonyalo. Sio ado banya' mahkota di kopala'-Nyo. Ado damo totulis di Sio inyo kinyo dikotohu'i sopo pan, solaitn Sio siku'.

Wahyu 20:11

Lopas nian, aku moniant tahta putih inyo bosar. Aku moniant Sio inyo dudu' di pucu'nyo. Soluruh langit ongko bumi lonyap doi' pohadapan-Nyo huatan kinyo ditomuan agi' tompatnyo.

Wahyu 6:2

Jadi aku moniant, ih, ado siku' kuda putih inyo moncumul. Urakng inyo monunggaki kuda nantai monggintikng sobuti' panah. Io dionji'i sobuti' mahkota. Sobagai urakng inyo udah monang, io maju ko luar pakai' mongalahan somuo musuh.