Wahyu 14:11 - Porjanjian Boharu Torjomahan Baso Dilakng Soari-ari

¹¹ Ansap doi' api inyo monyonsaro'i sia' nantai paca'an noi' ko pucu' somanah-manahnyo. Sia' disiksa siakng-malapm kinyo botongga'-boronti. Sama'an nianam ajab sonsaro inyo paca'an tojadi pakai' sia' inyo monyombah bonatakng huatan lompatukngnyo nantai, boko urakng inyo monorima' tando damo bonatakng nantai.”

Wahyu 14:11 ပူးပေါင်းရင်းမြစ်များ

Matius 11:28

Datakngcam ko Aku, somuo kaitn inyo uyuh jorih monanggukng boko kosusahan inyo borat. Aku paca'an moonji'i sonang-nyaman ko kaitn.

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Ibrani 1:8

Apo Allah bopandir dinga' ni'in mongona'i Ana'-Nyo, “Duatn, oi Allah, momorintah di pucu' tahta Duatn somanah-manahnyo. Duatn momorintah agatn adil di dalapm Koraja'an Duatn.

Wahyu 11:15

Lopas nian, molekat inyo kotujuh moniup trompetnyo. Watu nantai, ado boko saro borakng di sorugo bopandir, “Koraja'an di dunia ni'in udah dikuaso'i Tuhatn Allah huatan Rajo Inyo Dijanjian-Nyo, ia'an Kristus. Sio paca'an momorintah somanah-manahnyo!”

Wahyu 13:12

Io bodapat somuo kuaso doi' bonatakng inyo potamo huatan momakai kuasonyo nantai di pohadapan bonatakng inyo potamo nantai. Io mombulah somuo urakng di bumi pakai' monyombah bonatakng potamo, bonatakng nantai inyo udah nyamanam doi' luko parahnyo.

Wahyu 13:15

Io pan dionji'i kuaso pakai' mombulah lompatukng nantai monjadi hidup. Jadi, lompatukng bonatakng nantai suba' bopandir huatan mombunuh somuo urakng inyo co monyombahnyo.

Wahyu 13:17

Kinyo ado urakng inyo suba' momboli damo monjual la'apo pan aman io co ado tando nantai, ia'an damo bonatakng potamo nantai damo angka' inyo molambakan damo bonatakng nantai.

Wahyu 14:9

Lalu, ado molekat agi' inyo mombodapan koduo molekat sobolupmnyo. Molekat kotigo nantai bopandir agatn saro borakng. Katonyo, “Somuo urakng inyo monyombah bonatakng huatan lompatukngnyo nantai, inyo monorima' tando bonatakng nantai di koning huatan longannyo,

Wahyu 18:18

Sia' paca'an moniant ansap api inyo mombonasoan kota nantai. Watu nantai, sia' paca'an mondongkakng-mondorah, “Co nyiant kota bukainyo inyo samo sama'an bosarnyo agatn kota bosar ni'in!”

Wahyu 18:9

Boko rajo di dunia inyo udah bulah dosa bomporajoan agatn io, inyo udah hidup mewah agatn io, sia' paca'an moniant ansap api inyo mombonasoannyo. Watu nantai, sia' paca'an monangis huatan bulikng obai io.

Wahyu 19:3

Sokali agi' urakng banya' di sorugo bopandir, “Haleluya! Ansap api inyo mombonasoan kota nantai noi' ko pucu' kinyo tohu botongga'!”

Wahyu 20:10

Rajo Sitatn inyo monipu sia' nantai, paca'an ditikapan ko dalapm loutan api ongko bolerang, tompat bonatakng ongko nabi palsu nantai. Sia' somuo paca'an disiksa siakng-malapm pakai' somanah-manahnyo.

Wahyu 22:5

Conyiant malapm agi' di siatn tai. Sia' co momontikan cohayo doi' lampu damo matoari, obai Tuhatn Allah siku'mo paca'an monoraki sia'. Sia' paca'an momorintah ubo rajo sampai somanah-manahnyo.

Wahyu 7:12

Kato sia', “Amin! Pujicam Allah kito inyo mulia. Sio hala bijaksana, kuat ongko bokuaso. Sio cucu' dionji'i sukur ongko hormat sampai somanah-manahnyo! Amin!”