Wahyu 13:18 - Porjanjian Boharu Torjomahan Baso Dilakng Soari-ari

¹⁸ Mongona'i hal ni'in gola' ado hikmat. Urakng inyo pintar-corodi' ulih morotian masud doi' angka' nantai, obai angka' nantai ia'an damo siku' urakng. Angka'nyo ia'an 666.

Wahyu 13:18 ပူးပေါင်းရင်းမြစ်များ

Markus 13:14

Yesus bopandir, “Ado totulis di dalapm Buku Suci mongona'i siku' urakng jahat inyo mombonasoan. Urakng nantai tajahan bodiritn di tompat inyo kinyo cucu' pakai' inyo.” (Catatan pakai' urakng inyo mombaco ni'in: Porotian cam oca' ulih momahami rotinyo). Yesus molajuan pandir-Nyo, “Aman kaitn moniant hal nantai bondaram, soboi'nyo boko urakng di doerah Yudea gola' morarian diri ko boko bukit.

Roma 3:5

Apo sama'an apo aman ado urakng inyo monggunoan pomikiran monsio, ongko bopandir sama'an ni'in, “Timpu kito jahat, hal nantai monunju'an obai Allah bondar. Jadi, aman Allah mohukupm kito, rotinyo Allah kinyo adil, pan?”

Wahyu 1:3

Diborokati urakng inyo mombaco huatan inyo mondinga'an boko posatn doi' Allah ni'in. Diborokati somuo urakng inyo monuruti boko hal inyo ditulis di dalapmnyo. Obai, watunyo co manah agi' somuonyo ni'in paca'an tojadi.

Wahyu 15:2

Lalu aku moniant lou' sama'an loutan kaco bocampur api. Aku moniant jam boko urakng inyo udah monang doi' bonatakng huatan patukngnyo ongko monang doi' urakng inyo damonyo dilambakan agatn angka'. Boko urakng nantai bodiritn di pinggir loutan kaco nantai. Sia' siku'-monyiku' ado kocapi inyo dionju' Allah ko sia'.

Wahyu 17:9

Aman honda' mongoroti, gola' bopikir agatn bijaksana. Kotujuh kopala' bonatakng nantaiam monggambaran tujuh bukit, ia'an boko bukit tompat botina' nantai dudu'.

Wahyu 21:17

Sio pan moukur dindikngnyo, tingginyo onam puluh meter. Ukuran inyo dipakai molekat nantai ia'an ukuran biaso inyo dipakai monsio.