Wahyu 12:4 - Porjanjian Boharu Torjomahan Baso Dilakng Soari-ari

⁴ Agatn iku'nyo, nago nantai monari' soportigo boko bintakng doi' langit, lalu monikapan ko bumi. Nago bodiritn di pohadapan botina' inyo honda' boana' nantai. Nago honda' lansukng monolatn Ana' nantai pas Sio dilahiran.

Wahyu 12:4 ပူးပေါင်းရင်းမြစ်များ

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Wahyu 9:19

Obai kuaso boko kuda nantai ado di dalapm nyaonyo. Apo sia' pan ado kuaso di iku' sia'. Obai iku' sia' sama'an ular inyo bokopala'. Agatn nantai, sia' mondorako'i urakng.

Wahyu 9:10

Iku' boko bunta' nantai ado butuhnyo sama'an butuh kalo. Jadi, kuaso sia' pakai' monyonsaro'i boko urakng somanah lima' bulatn nantai ado di dalapm iku' sia'.

Wahyu 8:7

Molekat inyo potamo moniup trompetnyo. Watu nantai, hujatn es agatn hujatn api, bocampur darah jatu' ko bumi. Ongko, soportigo bumi habis kocuculan, soportigo doi' boko tontanaman huatan somuo rumput hijau habis kocuculan jam.

1 Petrus 5:8

Apo kaitn gola' hala mongondalian diri kaitn, huatan hala bojojago. Rajo Sitatn nan musuh kaitn. Sitatn honda' mohancuran kopocaya'an kaitn. Sitatn nan samo sama'an singa inyo mondorah, bojalatn kolilikng-kolimbat bogoyap urakng inyo ulih ditolatnnyo.

Wahyu 17:18

Nah, botina' inyo kolai tiat nantai monggambaran kota bosar nantai inyo monguaso'i dipucu' boko rajo di dunia.”

Wahyu 8:8

Molekat inyo koduo moniup trompetnyo. Watu nantai, ado lou' sama'an gunung bosar inyo bonyalo agatn api. Gunung nantai ditikapan ko dalapm lout. Soportigo lout nantai monjadi darah.

Wahyu 8:9

Soportigo lou' inyo hidup di lout bomatian. Soportigo somuo kapal monjadi hancur.

Wahyu 8:10

Molekat inyo kotigo moniup trompetnyo. Watu nantai, ado bintakng bosar inyo bonyalo sama'an obor. Bintakng nantai jatu' doi' langit, moninggakng soportigo doi' somuo sungai huatan mato ara'i.

Wahyu 8:11

Jadi, soportigo doi' somuo ara'i nantai monjadi pohit. Banya' urakng mati obai ara'i pohit nantai. (Damo bintakng nantai ia'an “Pohit”).

Wahyu 8:12

Molekat inyo koompat moniup trompetnyo. Watu nantai, ado lou' inyo moninggakng morusa' soportigo matoari, soportigo bulatn agatn soportigo boko bintakng huatan soportigonyo monjadi potakng. Soportigo siakng arinyo monjadi potakng. Ubo nian jam, somanah soportigo malapm arinyo monjadi potakng.

Wahyu 12:7

Lopas nian, ado poparakan di sorugo. Molekat Mikhael huatan boko molekat inyo bosamo agatn io boparakng molawatn nago nantai. Nago nantai huatan somuo molekat inyo bosamo io boparakng molawatn Mikhael huatan boko molekatnyo.

Wahyu 13:2

Bonatakng inyo ku tiat nantai mirip agatn macatn tutul, apo kakinyo sama'an kaki boruakng. Nyaonyo sama'an nyao singa. Nago nantai moonji'i ko bonatakng nantai kokuatannyo, hak pakai' momorintah, agatn kokuasa'annyo inyo bosar.

Wahyu 13:4

Sia' monyombah nago nantai, obai io inyo moonji'i kuaso ko bonatakng nantai. Sia' pan monyombah bonatakng nantai. Kato sia', “Sopo inyo bokuaso samo agatn bonatakng ni'in? Sopo inyo ulih boparakng molawatn io?”

Wahyu 16:13

Lalu aku moniant tigo roh jahat inyo monyorupo'i gonjau. Siku' koluar doi' nyao nago, siku' doi' nyao bonatakng potamo, huatan siku' doi' nyao nabi palsu nantai.

Wahyu 20:2

Io monangkap nago nantai, ia'an ular nantai doi' joman komai, Si ular tuho, ia'an Si Iblis, Rajo Sitatn. Molekat nantai mongobat Rajo Sitatn, ditikapannyo ko dalapm Jurakng Maut, lalu mongunci lawakngnyo pakai' soribu tohutn manahnyo. Rajo Sitatn ditahatn disiatntai oca' culihnyo monipu somuo urakng di dunia sampai masa soribu tohutn nantai udah habis. (Lopas nian, io paca'an dilopasan agi', apo ongkah pakai' watu inyo kinyo manah).