Wahyu 12:3 - Porjanjian Boharu Torjomahan Baso Dilakng Soari-ari

³ Lalu ado tando bukai inyo kotiat'an di langit: Wah, ado siku' nago mirah inyo bosar bondar. Nago nantai bokopala' tujuh huatan botandu' sopuluh. Di sotiap kopala'nyo ado mahkota kocit.

Wahyu 12:3 ပူးပေါင်းရင်းမြစ်များ

Wahyu 12:1

Lopas nian, tando luar biaso ni'in kotiat'an di langit: Ado siku' urakng botina' inyo mongona'an matoari sobagai pakai'annyo. Io bodiritn dipucu' bulatn. Dikopala'nyo ado mahkota inyo todiri doi' duo bolas bintakng.

Wahyu 12:13

Pas nago nantai sadar obai io udah ditikapan ko bumi, ongko io monyasah pakai' monyakiti botina' inyo molahiran Ana' lolaki nantai.

Wahyu 12:17

Ongko, nago nantai monjadi kotakng godi ko botina' nantai. Io botula' boparakng molawatn koturutannyo inyo bukai, ia'an sia' inyo monaati boko porintah Allah huatan pocayo agatn kuat ko somuo inyo Yesus pandiran.

Wahyu 12:4

Agatn iku'nyo, nago nantai monari' soportigo boko bintakng doi' langit, lalu monikapan ko bumi. Nago bodiritn di pohadapan botina' inyo honda' boana' nantai. Nago honda' lansukng monolatn Ana' nantai pas Sio dilahiran.

Wahyu 12:7

Lopas nian, ado poparakan di sorugo. Molekat Mikhael huatan boko molekat inyo bosamo agatn io boparakng molawatn nago nantai. Nago nantai huatan somuo molekat inyo bosamo io boparakng molawatn Mikhael huatan boko molekatnyo.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Wahyu 13:1

Lopas nian, aku moniant siku' bonatakng koluar doi' dalapm lout. Io botandu' sopuluh huatan bokopala' tujuh. Di sotiap tandu'nyo ado mahkota kocit. Di sotiap kopala'nyo totulis boko damo inyo mohanyam Allah.

Wahyu 13:2

Bonatakng inyo ku tiat nantai mirip agatn macatn tutul, apo kakinyo sama'an kaki boruakng. Nyaonyo sama'an nyao singa. Nago nantai moonji'i ko bonatakng nantai kokuatannyo, hak pakai' momorintah, agatn kokuasa'annyo inyo bosar.

Wahyu 13:4

Sia' monyombah nago nantai, obai io inyo moonji'i kuaso ko bonatakng nantai. Sia' pan monyombah bonatakng nantai. Kato sia', “Sopo inyo bokuaso samo agatn bonatakng ni'in? Sopo inyo ulih boparakng molawatn io?”

Wahyu 15:1

Lopas nian, aku moniant somacapm tando bukai di langit. Tando nantai kotakan hebat huatan mohiratan. Ni'inan tandonyo: Ado tujuh molekat agatn tujuh malopotako toahir. Kotujuh malopotako nantai ia'an boko malopotako toahir obai lopas nantai ponggodi Allah paca'an boahir.

Wahyu 16:13

Lalu aku moniant tigo roh jahat inyo monyorupo'i gonjau. Siku' koluar doi' nyao nago, siku' doi' nyao bonatakng potamo, huatan siku' doi' nyao nabi palsu nantai.

Wahyu 17:12

Kosopuluh tandu' bonatakng nantai inyo kolai tiat monggambaran sopuluh rajo inyo bolupm mula'i momorintah. Nononyo sia' paca'an dionji'i kuaso pakai' momorintah bosamo-samo agatn bonatakng nantai. Apo, sia' bayo paca'an momorintah somanah so japm mo.

Wahyu 17:16

Kosopuluh tandu' inyo kolai tiat nantai bosamo agatn bonatakng nantai paca'an bonci' agatn lahukng nantai. Sia' paca'an morampas somuo hal inyo umputnnyo huatan mongolanjakinyo. Sia' paca'an momua'i isinyo, lalu mombonasoannyo agatn api.

Wahyu 17:7

Apo molekat nantai bopandir ko aku, “Hibo kolai hiratn? Aku paca'an monjolasan ko kolai rotinyo doi' poniant'an nantai, ia'an poniant'an mongona'i botina' nantai ongko bonatakng inyo ditunggakinyo, bonatakng inyo bokopala' tujuh ongko botandu' sopuluh.

Wahyu 19:12

Mato-Nyo sama'an api tongahan bonyalo. Sio ado banya' mahkota di kopala'-Nyo. Ado damo totulis di Sio inyo kinyo dikotohu'i sopo pan, solaitn Sio siku'.

Wahyu 20:2

Io monangkap nago nantai, ia'an ular nantai doi' joman komai, Si ular tuho, ia'an Si Iblis, Rajo Sitatn. Molekat nantai mongobat Rajo Sitatn, ditikapannyo ko dalapm Jurakng Maut, lalu mongunci lawakngnyo pakai' soribu tohutn manahnyo. Rajo Sitatn ditahatn disiatntai oca' culihnyo monipu somuo urakng di dunia sampai masa soribu tohutn nantai udah habis. (Lopas nian, io paca'an dilopasan agi', apo ongkah pakai' watu inyo kinyo manah).