Wahyu 12:15 - Porjanjian Boharu Torjomahan Baso Dilakng Soari-ari

¹⁵ Lalu, nago nantai monyomburan ara'i doi' nyaonyo ko arah botina' nantai. Ara'inyo bosar sama'an ara'i pasakng. Nago nantai honda' oca' sungai nantai mohanyutan botina' nantai.

Wahyu 12:15 ပူးပေါင်းရင်းမြစ်များ

2 Korintus 11:3

Apo aku gola' kaitn paca'an ditipu, samo sama'an joman komai Hawa ditipu ular inyo licik nantai, ia'an Rajo Sitatn. Aman ubo nian, kaitn paca'an monjadi sosat huatan kinyo bobondar sotia ko Kristus.

Wahyu 12:16

Apo bumi monulukng botina' nantai huatan sopongirap bumi bongango monolatn ara'i inyo koluar doi' nyao nago nantai.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Wahyu 17:15

Lalu, molekat nantai bopandir ko aku, “Somuo ara'i, tompat lahukng nantai dudu', inyo kolai tiat, nantai monggambaran somuo banso, rayat, negara, ongko baso.

Wahyu 20:2

Io monangkap nago nantai, ia'an ular nantai doi' joman komai, Si ular tuho, ia'an Si Iblis, Rajo Sitatn. Molekat nantai mongobat Rajo Sitatn, ditikapannyo ko dalapm Jurakng Maut, lalu mongunci lawakngnyo pakai' soribu tohutn manahnyo. Rajo Sitatn ditahatn disiatntai oca' culihnyo monipu somuo urakng di dunia sampai masa soribu tohutn nantai udah habis. (Lopas nian, io paca'an dilopasan agi', apo ongkah pakai' watu inyo kinyo manah).