Wahyu 12:12 - Porjanjian Boharu Torjomahan Baso Dilakng Soari-ari

¹² Obai nantai, sonang-asau cam sorugo huatan kaitn bodiapm di dalapmnyo! Apo bonasoam kaitn di bumi huatan lout! Obai Rajo Sitatn udah turutn ko kaitn. Io kotakan godi obai io tohu co manah agi' io kinyo paca'an bokuaso di dunia.”

Wahyu 12:12 ပူးပေါင်းရင်းမြစ်များ

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Lukas 2:14

“Pujian pakai' Allah di sorugo, tompat Inyo Maho Tinggi. Sonang-asau di bumi pakai' monsio inyo monyonangan hati Allah.”

Ibrani 10:37

Ingantcam pomandiran inyo ditulis ni'in di Buku Suci: “Sio inyo tajahan datakng kinyo paca'an monunda'-nunda'. Kinyo manah agi', Sio datakng.

2 Petrus 3:8

Apo, pakai' kaitn, boko somadikanku inyo ku kasihi, jangan sampai kaitn tongkolupatn sobuti' hal ni'in: Tuhatn co mohitukng watu samo sama'an monsio. Pakai' Tuhatn, soari samo sama'an soribu tohutn. Soribu tohutn samo sama'an soari.

Wahyu 10:6

bosumpah atas damo Sio inyo hidup somanah-manahnyo, Sio inyo mombulah langit huatan somuo isinyo, bumi huatan somuo isinyo, lout huatan somuo isinyo. Kato molekat nantai, “Watunyo co paca'an ditunda' agi'!

Wahyu 11:10

Somanah koduo nabi nantai ija' hidup, sia' duo bulah boko urakng di bumi kotakng ajab sonsaro. Obai nantai, boko urakng di bumi kotakng rindakng obai komatian sia'. Boko urakng bopogai, huatan sosamo bokiripm hadiah pakai' morayaan poristiwa nantai.

Wahyu 11:14

Nantaiam boncana inyo koduo inyo diumuman burukng holakng tontai. Apo boncana kotigo paca'an hagar datakng.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.

Wahyu 13:6

Io mula'i mohanyam Allah, damo-Nyo, Rumah-Nyo, huatan somuo sia' inyo tinggal di sorugo.

Wahyu 18:20

(Ui kaitn somuo di sorugo! Sonang-nyamancam! Ui kaitn boko urakng kudus, boko rasul, huatan boko nabi! Sonang-nyamancam! Obai, Allah udah mohukupm kota nantai sosuai agatn porbuatannyo inyo jahat agatn kaitn).

Wahyu 8:13

Lopas nian, aku moniant siku' burukng holakng trobakng tinggi di langit. Aku mondinga' io bopandir agatn saro borakng, “Bonaso! Bonaso! Bonasoam boko sia' inyo hidup di bumi. Obai ija' ado tigo molekat inyo paca'an moniup trompet sia'.”

Wahyu 9:12

Nantaiam boncana inyo potamo inyo diumuman ulih burukng holakng nantai. Apo lopas nantai, ija' ado duo boncana agi' inyo paca'an tojadi.