Wahyu 12:10 - Porjanjian Boharu Torjomahan Baso Dilakng Soari-ari

¹⁰ Lalu, aku mondinga' saro inyo borakng di sorugo. Katonyo, “Ninam watunyo Allah monyolamant'an umat-Nyo! Ninam watunyo Allah monunju'an kuaso-Nyo. Ninam watunyo Allah kito moninjakan Korajaan-Nyo. Ninam watunyo Rajo Inyo Dijanjian Allah momorintah agatn kuaso-Nyo. Obai, Rajo Sitatn udah ditikapan doi' sorugo. Sio culih agi' monuntut boko somadikan kito siakng huatan malapm di hadapan Allah kito.

Wahyu 12:10 ပူးပေါင်းရင်းမြစ်များ

Matius 26:64

Timbas Yesus, “Ubo kato kaitn nam. Apo porotian ja' ni'in! Mula'i doi' watu ni'in, kaitn paca'an moniant Ana' Monsio, dudu' di tompat inyo tohormat disopia' kanan Allah Inyo Kotakan Bokuaso. Kaitn paca'an moniant-Nyo datakng doi' sorugo di pucu' boko awatn.”

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Matius 6:10

Datakngcam Koraja'an Duatn. Jadicam kohonda' Duatn di dunia samo sama'an di sorugo.

Lukas 11:2

Ongko Yesus bopandir, “Aman kaitn bodoa, dinga' ni'in bunyinyo, ‘Bopai, koi bodoa kironyo somuo urakng mohormati damo Duatn. Datakngcam Koraja'an Duatn.

Lukas 22:31

Lopas nian Yesus bopandir ko Simon Petrus, “Simon, Simon! Dinga'anbo! Rajo Sitatn udah monuntut ko Allah oca' molalu'i kosusahan io ulih monyongkayoan rasul inyo sotia doi' inyo kinyo sotia, samo samaꞌan potani monyongkayoan gandupm doi' kopunyo. Allah udah moijitan Rajo Sitatn molabuhan hal nantai.

1 Korintus 5:4

Timpu kaitn bokumpul dalapm damo Yesus, Tuhatn kito, watu nantai jam, hati aku ado bosamo kaitn. Jadi, watu nantai, hukupmcam urakng nian agatn kuaso Yesus, Tuhatn kito.

2 Korintus 12:9

Apo Tuhatn co molabuhan nantai. Sio momandiran ko aku, “Aku monunju'an koboi'an ko kolai. Nantai cukup bagi kolai. Obai, timpu urakng lomah, justru watu nantai kuaso-Ku bondar-bondar ulih ditiat.” Nantaiam sobabnyo aku lobih sonang momuji diri mongona'i hal inyo monunju'an kolomahanku. Obai timpu lomah, Kristus monguat'anku agatn kuaso-Nyo.

Titus 2:3

Ubo nian jam agatn boko botina' inyo udah tuho. Ajaricam sia' pakai' hidup agatn caro inyo mohormati Allah. Sia' culih bojaha'i urakng bukai. Sia' culih gala' minum sampai mabu'. Sia' gola' mongajar boko hal inyo boi'.

1 Petrus 5:8

Apo kaitn gola' hala mongondalian diri kaitn, huatan hala bojojago. Rajo Sitatn nan musuh kaitn. Sitatn honda' mohancuran kopocaya'an kaitn. Sitatn nan samo sama'an singa inyo mondorah, bojalatn kolilikng-kolimbat bogoyap urakng inyo ulih ditolatnnyo.

Wahyu 11:15

Lopas nian, molekat inyo kotujuh moniup trompetnyo. Watu nantai, ado boko saro borakng di sorugo bopandir, “Koraja'an di dunia ni'in udah dikuaso'i Tuhatn Allah huatan Rajo Inyo Dijanjian-Nyo, ia'an Kristus. Sio paca'an momorintah somanah-manahnyo!”

Wahyu 2:26

Ko boko urakng inyo monang, boko urakng inyo molabuhan kohonda'-Ku sampai ahir dunia, Aku paca'an moonju' ko sia' kuaso di pucu' boko banso.

Wahyu 7:10

Sia' mondongkakng-mondorah, “Topujicam Allah koi. Koi disolamant'an ulih Sio inyo dudu' di tahta ongko ulih Ana' Domba!”