Wahyu 11:8 - Porjanjian Boharu Torjomahan Baso Dilakng Soari-ari

⁸ Bangkai sia' ditinggalan ja'am di jalatn rayo kota bosar, ia'an kota di mono Tuhatn sia' disaliban. (Socaro rohani, kota bosar nantai disobut Sodom ongko Mesir.)

Wahyu 11:8 ပူးပေါင်းရင်းမြစ်များ

Wahyu 18:10

Sia' paca'an bodiritn doi' jouh obai gola' kona' siksa'annyo jam. Kato sia', “Bonaso kota Babel inyo komai kuat! Bonaso kota bosar nantai! Obai, kolai paca'an oca' dihukupm, dalapm sojapm aja' hukupan kolai udah dilabuhan.”

Wahyu 18:21

Lopas nian siku' molekat inyo kuat moangkat sobigi' batu inyo kotakan bosar, sobosar batu gilikan. Sio monikapannyo ko dalapm lout. Katonyo, “Agatn caro koras sama'an ninam, kota Babel inyo bosar nantai paca'an dibonasoan. Kota Babel, kolai co paca'an kotomuan agi'.

Ibrani 13:12

Nantaiam sobabnyo Yesus mati di luar pintu gerbakng kota jam, oca' umat-Nyo ulih diborosihi doi' dosa sia' agatn momakai darah-Nyo siku'.

Wahyu 18:18

Sia' paca'an moniant ansap api inyo mombonasoan kota nantai. Watu nantai, sia' paca'an mondongkakng-mondorah, “Co nyiant kota bukainyo inyo samo sama'an bosarnyo agatn kota bosar ni'in!”

Wahyu 11:9

Somanah tigo sotongah ari, boko urakng doi' somuo negara, suku, baso, huatan banso paca'an moniant bangkai sia' duo nantai. Boko urakng nantai kinyo moijitan bangkai sia' nantai dipasar.

Yudas 1:7

Boko urakng di kota Sodom ongko Gomora huatan boko kota di sokitarnyo sama'an nantai jam. Sia' bulah pomporajoan. Sia' momuasan boko kohonda' bukakng-tubuh inyo kinyo wajar. Jadi, sia' dihukupm, ija' disiksa agatn api inyo kinyo tohu puja' somanah-manahnyo. Kojadian nantai monjadi poringant'an pakai' somuo urakng.

2 Petrus 2:6

Allah jam mohukupm kota Sodom huatan Gomora. Sio momusnahan boko kota nantai agatn api sampai monjadi habu. Agatn sama'an nian, Allah moonji'i poringant'an ko boko urakng inyo molawatn-Nyo di joman nononyo.

Matius 10:15

Dinga'ancam ni'in! Hukupan inyo sia' torima' watu Ari Ponghakipan paca'an lobih borat doi' hukupan ko kota Sodom agatn Gomora di joman komai.”

Wahyu 18:2

Molekat nantai mondongkakng-mondorah agatn saro kotakng borakng. Katonyo, “Kota Babel udah rontap! Kota bosar nantai udah rontap! Kota nantai udah monjadi sayakng pakai' boko roh jahat, tompat pontapuan boko roh campah tompat pontapuan somuo burukng campah huatan kobonci' urakng.

Wahyu 16:19

Lalu tobolaham kota bosar nantai monjadi tigo bagian huatan loloam somuo kota banso-banso inyo kinyo mongonal Allah. Jadi koingatan Allaham agatn Babel inyo bosar nantai pakai' moonji'i ko io cangkir inyo bisi anggur ponggodi-Nyo.

Wahyu 14:8

Lalu, ado molekat agi' inyo mombodapan inyo potamo. Molekat koduo nantai bopandir, “Kota Babel udah dihukupm Allah. Kota bosar nantai udah rontapam! Kota nantai udah mombulah somuo banso bukai jumpat bodosa momuasan kohonda' pakai' momporajoan.”

Wahyu 11:13

Watu nantai pan ado gompa bumi inyo bosar. Soporsopuluh doi' kota nantai robah. Tujuh ribu urakng mati. Somuo urakng bukai monjadi kotakng gola' lalu momuji Allah di sorugo.

Ibrani 6:6

lopas somuonyo nantai, aman sia' moninggalan Kristus, jadi co mungkitn sia' ulih dibimbikng oca' sia' moninggalan dosa sia' lalu bobali' agi' ko Sio. Obai, umpamonyo sia' siku' mohukupm mati Ana' Allah di kayu salib agi'. Sia' mombulah Sio dihanyam di hadapan urakng banya'.

Kisah Boko Rasul 9:4

Lansukng io jatu' ko tanah. Ado saro inyo bopandir, “Saulus, Saulus, tongga' cam mondorako'i Aku!”

Wahyu 18:24

(Kota nantai dihukupm obai io mombunuh boko nabi huatan boko urakng umant husus umputn Allah. Darah sia' huatan darah doi' somuo urakng inyo dibunuh di bumi kotomuan di dalapm io.)

Wahyu 17:5

Di koningnyo totulis damo rahasia, ia'an: “Kota Babel inyo bosar. Indai doi' somuo lahukng. Indai somuo porbuatan inyo jahat di dunia.”

Wahyu 17:1

Lopas nian, datakam salah siku' doi' kotujuh molekat inyo monjujut tujuh mangku' nantai. Io bopandir ko aku, “Mara! Aku paca'an monunju'an ko kolai hukupan inyo paca'an tojadi ko lahukng tokonal inyo dudu' di tompat agatn banya' ara'i.

Wahyu 14:20

Boko buah anggur nantai dipoyah di luar kota. Huatan, darah mongalir doi' tompat nantai sama'an sungai, dalapmnyo duo meter, jouhnyo tigo ratus pal.

Wahyu 17:18

Nah, botina' inyo kolai tiat nantai monggambaran kota bosar nantai inyo monguaso'i dipucu' boko rajo di dunia.”