Wahyu 11:7 - Porjanjian Boharu Torjomahan Baso Dilakng Soari-ari

⁷ Lopas sia' jadi monyampaian posatn doi' Allah, paca'an ado bonatakng inyo monjongal doi' Jurakng Maut. Bonatakng nantai paca'an monyorakng sia', mongalahan sia', lopasnyo mombunuh sia'.

Wahyu 11:7 ပူးပေါင်းရင်းမြစ်များ

Lukas 13:32

Apo Yesus bopandir ko sia', “Pandirancam ko Herodes inyo ulahnyo ubo payau nantai, ‘Sari ni'in ongko hobu' Aku paca'an totap monundukng boko roh jahat huatan monyamani boko urakng. Lalu, Aku paca'an monjadi'i pogota'an-Ku watu ari inyo kotigo.

Lukas 8:31

Boko roh jahat nantai momuhun ko Yesus oca' co monundukng sia' ko dalapm Noraka.

Yohanes 17:4

Aku udah monjadi'i pogota'an di dunia ni'in inyo Duatn onju' ko aku. Agatn caro nantai, Aku momuliaan Duatn.

Yohanes 19:30

Lopas Yesus mominum ara'i anggur nantai, Sio bopandir, “Tuntukam!” Lalu, Sio monundu'an kopala'-Nyo, monyorahan kosih-Nyo.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

2 Timotius 4:7

Aku udah bouyuh-jorih agatn boi', aku udah moahiri potandikan huatan aku totap sotia sampai ahir.

Wahyu 11:3

Apo, paca'an ado duo urakng inyo bosasi mongona'i Aku. Sia' duo paca'an momakai pakai'an bulikng. Aku paca'an moonji'i kuaso ko sia' pakai' monyampaian posatn doi' Aku somanah soribu duo ratus onam puluh ari.”

Wahyu 12:17

Ongko, nago nantai monjadi kotakng godi ko botina' nantai. Io botula' boparakng molawatn koturutannyo inyo bukai, ia'an sia' inyo monaati boko porintah Allah huatan pocayo agatn kuat ko somuo inyo Yesus pandiran.

Wahyu 13:11

Lopas nian, aku moniant siku' bonatakng bukai koluar doi' dalapm tanah. Io botandu' duo sama'an tandu' siku' ana' domba. Io bopandir sama'an siku' nago.

Wahyu 13:7

Bonatakng nantai dionji'i jamijitn pakai' boparakng molawatn boko urakng inyo pocayo, lalu mongalahan sia'. Io dionji'i jam kuaso atas sotiap suku, sotiap negara, sotiap baso, sotiap banso.