Wahyu 11:4 - Porjanjian Boharu Torjomahan Baso Dilakng Soari-ari

⁴ Koduo urakng nantai ia'an koduo kayu jaitun huatan koduo tihakng tompat molota'an pompolitoan. Sia' bodiritn di hadapan Tuhatn inyo bokuaso di pucu' sogolintaran alapm.

Wahyu 11:4 ပူးပေါင်းရင်းမြစ်များ

Lukas 11:33

Yesus molajuan pongajaran-Nyo. Kato-Nyo, “Aman ado urakng inyo monokil pompolitoan, io kinyo moombakannyo damo monungkau'inyo agatn roga'. Sobali'nyo io molota'an pompolitoan nantai di tompat tobuka' oca' somuo urakng inyo mansu' ko dalapm rumah ulih moniant torakngnyo.

Lukas 21:36

Jadi, kaitn gola' hala monjago diri. Bodoacam oca' kaitn totap pocayo ko Allah, watu kaitn mohadapi ajab sonsaro inyo co manah agi' tajahan tojadi. Lalu kaitn paca'an tenang watu Ana' Monsio bobali' ko dunia ni'in, moadili somuo urakng am.”

Roma 11:17

Apo ado boboropo urakng Yahudi inyo kinyo pocayo ko Yesus. Sia' samo sama'an boko dahatn inyo udah dipatahan doi' kayu nantai. Apo kaitn urakng bukainyo urakng Yahudi inyo pocayo samo sama'an tunas doi' batakng jaitun inyo liar inyo gonti boko dahatn nantai. Samo sama'an tunas dicangkokan ongko ulih hidup doi' gotah urat kayu jaitun nantai, ubo nian jam kaitn monjadi umant Allah ongko mondapat borokat doi' somuo inyo dijanjian ko boko urakng Yahudi inyo potamo.

Wahyu 1:20

Dalapm poniant'an tontai kolai moniant tujuh tihakng tompat molota'an pompolitoan inyo dipulah doi' omas. Kolai pan moniant jam tujuh bintakng di longan kanan-Ku. Nianam rotinyo: Kotujuh tihakng tompat molota'an pompolitoan nantai monggambaran kotujuh jomaat. Kotujuh bintakng nantai monggambaran kotujuh molekat inyo monjago boko jomaat nantai.”